Túrkııalyq tyńdarmandardy tánti etti

Túrkııadaǵy Eskishehır provınsııa­synda «Qazaq mádenıeti aptalyǵy» res­mı ashylyp, oǵan provınsııa gýbernatory Gúngór Ázim Týna, «Túrksoı» halyqaralyq uıymynyń Bas hatshysy Dúısen Qaseıinov, Qazaqstannyń Túr­kııadaǵy tótenshe jáne ókiletti elshisi Janseıit Túımebaev, akademııalyq top­tar, mádenı-gýmanıtarlyq jáne qoǵam­dyq-saıası ortalardyń ókilderi, qazaq stýdentteri men Túrkııadaǵy qazaq dıas­porasy qatysty, dep habarlaıdy QR SIM baspasóz qyzmeti. Aptalyq aıasynda Eskishehır, Ankara, Bolý jáne Ystambul qala­larynyń eń úlken konserttik zal­­darynda Táttimbet atyndaǵy Qazaq  ult aspaptary aka­de­mııa­lyq or­kestriniń, Q.Baıjanov atyn­­da­ǵy Qaraǵandy konserttik birlesti­giniń, sonymen qatar, KSRO jáne Qazaq­stannyń halyq ártisi, ataqty ánshi Bıbigúl Tóle­ge­novanyń konsertteri ótkizilýde. Qazaqstannyń óner ıeleri Túrkııa­daǵy gastrolderin túrki áleminiń 2013 jylǵy mádenı astanasy bolǵan  Es­ki­shehır qala­synan bastady. Áıgili án­shi B.Tólegenova men Táttimbet atyn­daǵy akademııalyq or­kestr Ana­doly ýnı­versıtetiniń kon­sert zalynda óz repertýaryndaǵy shyǵar­malaryn oryndap, túrik tyńdaý­shy­laryna jaqsy áser syılady. Konsertten keıin Eskishehır pro­vın­sııasynyń gýbernatory sóz sóılep, Túrkııada mundaı shara­nyń ótkizilýi máde­nıet jáne óner sala­syndaǵy qazaq-túrik yn­tymaqtas­tyǵyna úles qosatynyn atap ótti. «Men Qazaqstannyń adamzat má­­denı-gýmanıtarlyq murasyna edáýir úles qosyp jatqanyna kýá boldym», dep málim etti ol. О́z sózinde Qa­­zaq­stannyń Túr­kııadaǵy elshisi Eski­­shehır pro­vın­sııasynyń gýbernatoryna qazaq shyǵar­mashylyq tobyna jyly yqylas bildir­geni úshin rızashylyǵyn bildirdi. «Egemen-aqparat».