Urpaq saýlyǵyna septesedi

Operasııa áli dúnıege kelmegen náresteniń densaýlyǵy men ómiri týraly kórsetkishterin jaqsartýǵa múmkindik beretin jaǵdaılarda ­jasalady. Uryq hırýrgııasy – eli­miz­de qolǵa alynyp jatqan medı­sınanyń múldem jańa baǵyty. Uryq medısınasy, ıaǵnı fetaldy hırýrgııa – bul medısınanyń qursaqtaǵy sharanany emdeıtin joǵary mamandandyrylǵan salasy. Bul hırýrgııa zaqymy az pro­sedýralar arqyly jatyrǵa bitken balanyń patologııalyq aýyt­qý­laryn erte bastan túzetip, emdeýge múmkindik beretin ınnovasııalyq tehnologııalarǵa negizdelgen.

Otandyq densaýlyq saqtaý salasyna serpin beretin joba Den­saý­lyq saqtaý mınıstrligi men «Ayala» qaıyrymdylyq qorynyń qoldaýymen qolǵa alyn­ǵanyn aıta ketken jón.

Nárestelerdiń týabitti kesel­derin azaıtýǵa kúsh salyp otyrǵan Almatydaǵy Perı­natologııa jáne balalar kardıo­hırýrgııasy orta­ly­ǵynda uzaq jyl boıy uryq ope­­ra­sııa­laryn tabysty júzege asy­ryp júrgen Reseıdegi jetekshi «Ana men bala» medısınalyq or­ta­lyǵynyń hırýrgteri – Mark Kýrser men Natalıa Kosovsova, Ekaterınbýrg qalasyndaǵy ana men balany qorǵaý ǴZI hırýrgi Andreı Býgerenkonyń qaty­sýymen Qazaq­standaǵy alǵashqy jatyrishilik patologııany túzetý boıynsha praktıkalyq sheberlik saǵaty ótti.

«Mınıstrlik balalardyń múge­dek bolyp týýyn tómen­de­týdi basty mindet dep sanaıdy. Osy maqsat jolynda uryq hırýrgııasy – álemdegi eń mańyzdy quraldardyń biri. Biz keıingi 30 jyldyń ishinde uryq operasııa­lary salasy boıynsha ozyq álemdik tájirıbelerdi taldadyq. Bul bilimniń barlyǵy Qazaqstan­da alǵash ret ázirlengen uryq hırý­r­gııasynyń standarttaryna negiz boldy. Perınatologııa jáne balalar kardıohırýrgııasy­ orta­lyǵynyń (Almaty), UMC (Astana) dárigerleriniń brıgadalary Qazaqstanda jáne shetel­de uryq hırýrgııasy boıynsha uzaq­mer­zimdi kúrdeli teo­rııalyq jáne prak­­­tıkalyq daıyn­dyqtan ótti. Son­­dyq­tan otan­dyq densaýlyq saq­taý salasy úshin bul – asa ma­ńyz­dy kún», dedi Densaýlyq saqtaý mınıstri Aqmaral Álnazarova.

Qazaqstanda uryq hırýrgııa­syn iske qosýǵa daıyndyqty Den­saý­lyq saqtaý mınıstrligi eki jyl boıy júrgizip, bul bastama­ǵa­ Alma­tydaǵy Perınatologııa jáne balalar kardıohırýrgııa­sy­­ or­ta­lyǵy men Astanadaǵy UMC KQ-nyń dárigerler toby tań­dal­dy.

Densaýlyq saqtaý mınıstrligi men «Ayala» qaıyrymdylyq qory uryq hırýrgııasy boıynsha dárigerlerdiń sheteldik emhanalarda jeke oqýyn uıymdastyryp, onnan asa praktıkalyq sheberlik sabaq­tary men semınarlarǵa qa­ty­sýyn qamtamasyz etti. Sony­­men qatar qor ótken jyly dári­gerlerdiń Ispanııada ótken dúnıe­júzilik uryq hırýr­gııa­sy kon­gre­sine saparyn uıym­das­tyrǵan.

«Qazaqstanda balalardyń mú­ge­­­dek bolyp týýyn azaıtý –«Ayala» qorynyń basty min­det­­teriniń biri. Biz elimizde uryq hırýrgııasyn iske qosyp, qa­lyp­tastyrýǵa kómekteskenimizdi már­­tebe tutamyz. 29,3 mln teńge­den asa somaǵa Perınatologııa jáne balalar hırýrgııasy orta­lyǵyndaǵy uryq hırýrgııasy bó­lim­­shesin arnaıy medısına­­­­­lyq quraldarmen – lazer, fetoskoptarmen jab­dyq­taýǵa kómektesken senimdi seriktesimiz «Gasenergy» kompanııasyna da alǵys aıtamyz», deıdi «Ayala» qaıy­rym­dylyq qorynyń negizin qalaǵan ári prezıdenti Aıdana Súleımenova.

Al Almaty qalasyndaǵy Perı­natologııa jáne bala­lar­ kardıo­hırýr­gııasy orta­ly­ǵynyń dırektory Gúlnár Nur­lanovanyń aı­týynsha, mamandarymyz Izraıl, Reseı, Ispanııa, Belarýs, Por­tý­galııa sııaqty elderde bilim alyp, jańa tehnologııalardy da­ıyndaý men ıgerýde úlken ju­mys atqardy. Jatyrishilik aýyt­qýlardy emdeýde jylyna shama­men 150-ge jýyq operasııa jasalady dep josparlanyp otyr. Uryq hırýrgııasy jobasy ana men bala­ǵa kórsetiletin medısınalyq kómektiń sapasyn jaqsartýdaǵy jańa kezeńi bolmaq.

Sondaı-aq taıaý kúnderi «Ayala» qorynyń qoldaýymen Astana­da UMC bazasynda medı­sına ǵylymdarynyń doktory, International Fetal Medicine and Surgery Society (IFMSS) múshesi Natalıa Kosovsovanyń qatysýymen uryq hırýrgııasy boıynsha alǵashqy praktıkalyq sheberlik sabaǵy ótkizilmek.

Qazir aǵzaǵa zaqymy az endo­skopııalyq (fetoskopııalyq) operasııalar ashyq hırýrgııany almastyryp otyrǵanyn aıtý lázim. О́ıtkeni mundaı operasııa­lar ana men jatyrdaǵy sharana úshin qaýipsiz. Álemniń talaı elinde qursaqishilik emdeýge jatatyn uryq aýrýlary aıasy jyldan-jylǵa tolyǵyp, jańa tehnologııalar ázirlenip, jetildirilip jatyr. Týabitti júrek keselderi, dıafragma jaryqtary men OJJ aýrýlaryna qursaqta jatqan kezinde emdeý sharalary belsendi túrde engizilip, jaqsy nátıjeler bere bastaǵany qýantady.

ALMATY