Soltústik Qazaqstan tárbıelenýshileri «Úmit» kýbogyn» jeńip aldy

PETROPAVL. 11 maýsym. Oblystyq jetim jáne ata-ananyń qaraýynsyz qalǵan balalar mektep-ınternattyń komandasy basketboldan ótken respýblıkalyq chempıonatta «Úmit» kýbogyn ıelendi.  Bul týraly oblystyq bilim basqarmasynyń mamandary habarlady. Baıraqty báseke Aqmola oblysynyń Shýche qalasynda ótip, úsh topqa bólingen on segiz komanda ózara kúsh synasty. Asa tartysty ótken doda barysynda Petropavl, Qostanaı jáne Astana basketbolshylary bas júldeni sarapqa saldy. Qos qarsylasyn 72:32 jáne 66:60 esepterimen utqan Soltústik Qazaqstan oblysy tárbıelenýshileriniń mereıi ústem boldy.  Temirlan Áýbákirov “Chempıonattyń eń sheber oıynshysy” atanyp, teledıdar tabys etildi. «Natalıa Rogozınanyń sheber jattyqtyrýy arqasynda qyzdar men uldar komandalary mektep oqýshylarynyń qalalyq spartakıadasynda jeńiske jetken bolatyn. Endi, mine, Temirǵalı Maekenov basqaratyn “Halyq banki” AQ oblystyq fılıalynyń demeýshilik senimin aqtap, ekinshi jyl qatarynan «Úmit» kýbogynyń ıegeri atandy», deıdi jetim jáne ata-ananyń qamqorlyǵynsyz qalǵan mektep-ınternattyń dırektory Rızabek Kákpenov. О́mir Esqalı. Derek, sýret: Soltústik Qazaqstan oblystyq bilim basqarmasy.