Shahar shyraıy – turǵyndar eńbegi

Sonymen qatar jalpyǵa birdeı qa­lalyq tazalyq naýqanyna 1 286 ón­di­ristik, kásipkerlik, 681 áleýmettik mekeme qyzmetkerleri atsalysty. Ta­za­lyq jumystaryna qosymsha 7 691 dana tehnıka jumyldyryldy. Qala­daǵy bes aýmaqtyq-ákimshilik – Ál-Farabı, Eńbekshi, Turan, Qarataý, Abaı aýdandary aýmaǵynan 8 myńǵa jýyq tonna turmystyq qaldyq shyǵaryldy. Buǵan qosa aǵashtar men butalardy ákteý, sanıtarlyq kesý jumystary júrgizilip, jańadan aǵash kóshetteri egildi. Qalalyq jaıly ortany damy­tý basqarmasy mamandarynyń aıtýynsha, tal kóshetterin egý, sanıtar­lyq tazalaý jumystary shaharda kúzge deıin jalǵasady.

Al qazirgi ýaqytta Shymkenttegi aýmaqtardy kógaldandyrý men abattandyrý jumystary qolǵa alynyp jatyr. «Taza Qazaqstan» ekologııalyq aksııasy aıasyndaǵy ilkimdi ister qalada jyl sońyna deıin atqarylady. Osyǵan sáıkes jergilikti atqarýshy bılik aksııany uıymdastyrýdyń kestesi men is-sharalar ótkizý josparyn bekitti. Búgingi tańda qala aýmaǵynda tazalyq jumystary atalǵan jospar aıasynda kúndelikti atqarylyp jatyr.

О́tken senbilikke qaladan 2 myńnan asa jumysshy qatysty. Olarǵa kómekke 150 arnaıy tehnıka jumyldyryldy. Shahar turǵyndarynyń ishinde ardagerler, zııaly qaýym ókilderi, qoǵam belsendileri, túrli mekeme qyzmet­kerleri, erikti jastar jasy men bede­line, qyzmetine qaramaı tazalyq ju­mys­taryna belsene atsalysyp jatyr.

Joǵaryda atalǵan basqarma ma­man­darynyń málimdeýinshe, ákim­dik qala aýmaǵyndaǵy kóshelerdi 3 sa­­nat­qa bólip, jaz aılarynda eki aýy­sym­nan úsh aýysymǵa aýystyrý (I aýysym

06:00–12:00, II aýysym 12:00–18:00, III aýysym 18:00–00:00) arqyly sanı­tarlyq tazalaý jumystaryn kú­sheıtken. Sondaı-aq aýa raıynyń ja­ýyn-shashyn kún­deri jekelegen jer­lerde sý jınalýyn boldyrmaý maq­satynda ár aýdannan 20 adamnan quralǵan ırrıgasııalyq tazalaý toptary qala aýmaǵyndaǵy ır­rı­gasııalyq júıelerdiń jaı-kú­ıine zerdeleý jumystaryn turaqty ne­gizde júrgizip keledi. О́z kezeginde memlekettik-jekeshelik áriptestik aıasynda merdiger mekemeler tarapynan da kóshelerdi tazalaýǵa 50 adamnan turatyn brıgadalar quryldy. Olar halyq kóp júretin qoǵamdyq oryndar men aıaldamalardy, jol jıekteri­niń tazalyǵyn turaqty qamtamasyz etý jumystaryn kúndelikti atqaryp otyr.

– Búgingi tańda merdiger mekeme­ler qala aýmaǵyndaǵy qylqan japy­raq­ty aǵash kóshetterin jándikterge qar­sy arnaıy preparattarmen dárilep, aǵash kóshetterin áktep, formovka, ıaǵnı arnaıy pishin berip jatyr. Sonyń ishinde shahardyń Qarataý aýda­nynda kógaldandyrý men taza­lyq jumystaryn 19 jyldyq tájirı­besi bar «Jasyl jer» jaýapkershiligi shekteýli seriktestigi qolǵa alǵan. Aıta ketý kerek, atalǵan seriktestiktiń arnaıy tehnıka avtoparki, eki óndiristik bazasy, tuqymbaǵy, jyldyq ónimdi­ligi 1,5 mıllıonnan asatyn jeke jy­lyjaıy jáne butalardy ósirýge arnalǵan konteınerlik alańy bar. Me­kemeniń kógaldandyrý salasyn­daǵy mol tájirıbesiniń arqasynda jasyl jelekter sany kóbeıip, kó­gal­dandyrylǵan aýmaqtar sany artyp keledi, dedi qalalyq Jaıly ortany damytý basqarmasynyń ókili Jarylqasyn Mashbek.

Qala turǵyny Qarashash Ájibaeva da búkil elimiz boıynsha atqary­lyp jatqan tazalyq aksııasyna dán rıza. О́ziniń aıtýynsha, osynaý tazalyq naýqany arqyly megapolıstiń kóp­tegen aýmaǵy tazaryp qaldy. Ásirese kópqabatty úılerdiń aýlalary men qala syrtyndaǵy shalǵaı eldi mekender de abattanyp, kelbeti kórikti bola tústi. Aksııanyń jyl boıy ótetini qýantady deıdi ol. О́ıtkeni jaz ben kúz mezgilinde de qalanyń tazalaıtyn aýmaqtary tabylady. Eń bastysy, qarapaıym turǵyndardyń tazalyq naýqanyn belsendi qoldap tur.

Buǵan elimizde aksııany nası­hat­taý maqsatyndaǵy ıdeologııa­lyq jumys­tardyń oń áser etkeni sezi­ledi. О́ıtkeni atqarýshy bılik tarapynan halyq arasynda tazalyq máde­nıetin qalyptastyrýǵa, sondaı-aq qala tazalyǵyn saqtaýǵa baǵyttalǵan aqparattyq-túsindirý jumystary bul kúnderi myqtap qolǵa alynǵan. Álbette, munda, adamdardyń boıyn­da tabıǵatqa degen janashyrlyq sezi­min oıatý, ásirese ósip kele jatqan jas urpaqty qorshaǵan ortany taza ustaýǵa tárbıeleý maqsaty jatqany belgili.

ShYMKENT