Jalpy, respýblıkalyq ekologııalyq aksııasy bastalǵannan beri úsh aı ýaqyt ishinde «Taza beısenbi», «ROAD-estafeta», tarıhı-mádenı mura eskertkishteri men obektilerin vandalızm izderinen tazartý is-sharalary júıeli túrde júrdi. 160 myńǵa jýyq turǵyn belsene qatysty. Atap aıtqanda, kásiporyndar men memlekettik mekemelerdiń qyzmetkerleri, volonterlar, jastar, shaǵyn jáne orta bıznes ókilderi boı kórsetti. О́ńir ákiminiń baspasóz qyzmetiniń málimetinshe, «Taza Qazaqstan» ekoaksııasy «Taza ólke», «Kıeli meken», «Jasyl aımaq», «О́negeli urpaq», «Móldir bulaq» baǵyttary boıynsha júrgizildi.
Solardyń ishinde tekelilikter de tazalyq sharalarynda belsendilik kórsetýde. О́tken aptanyń sońynda qalanyń 150-den astam turǵyny Qaratal ózeniniń jaǵalaýyn tazalady. «Tekeli Sý qubyry» kásiporny, «Garaj» JK jáne turǵyn úı-kommýnaldyq sharýashylyq, jolaýshylar kóligi, avtomobıl joldary jáne turǵyn úı ınspeksııasy bólimi tarapynan qoqys tıegish 2 tehnıka, qoqys tasıtyn 3 tehnıka jumyldyryldy. Ekologııalyq aksııaǵa turaqty shyǵatyndardyń arasynda kásipkerler de bar. Solardyń biri Sáken Sandybaev óziniń jeke nysanynyń mańaıyn ǵana emes, jalpy qalanyń tazalyǵyn saqtap, abattandyrýǵa atsalysyp keledi.
«Tekeli – bizdiń týǵan qalamyz, ortaq úıimiz. Osynda balalarymyz, nemerelerimiz ósip-ónip, erjetip keledi. Sondyqtan qalanyń bolashaǵyna da, tazalyǵyna da bárimiz birdeı jaýaptymyz. Osyndaı ortaq isterge birge jumylyp, basqalarǵa úlgi bolarlyq ıgi sharalardy kóptep atqaraıyq», deıdi kásipker.
Tekeli qalasy ákiminiń orynbasary Erlan Jetibaevtyń aıtýynsha, osy aksııa bastalǵannan beri qalada 34 senbilik uıymdastyrylyp, oǵan 3 500 adam jumyldyrylǵan. 350 túp aǵash kósheti otyrǵyzylyp, 18 myńǵa jýyq gúl egildi, beı-bereket shashylǵan qoqystar shyǵaryldy.
Sol sııaqty tazalyq aksııasyna qatysqan Aqsý aýdanynyń eriktileri Jansúgirov aýylyndaǵy «Segizbatyr» skverin abattandyrdy. Oǵan qosa aryqtardy tazalap, qoqys shyǵarýmen qatar kóshetterdi sýaryp, kógaldandyrýǵa da erekshe mán berilýde.
«Aksııa bastalǵaly tazalyq sharalary turaqty atqaralyp keledi. Apta saıyn «Taza beısenbi» sharasyn uıymdastyramyz. Oǵan negizinen jastar belsendi qatysýda. Bul óskeleń urpaqtyń qorshaǵan ortaǵa degen qamqorlyǵyn qalyptastyrýǵa úlken yqpal etedi», deıdi Jansúgirov aýyldyq okrýginiń ákimi Ilııas Musabalanov.
Oblystyq qoǵamdyq damý basqarmasynyń málimetine qaraǵanda, bul sharalarǵa búginge deıin óńirde jalpy sany 154 myńnan astam adam atsalysyp,
1 102 tehnıka jumyldyryldy. Tazalyq sharalarynyń nátıjesinde, 6 162 tonna qoqys shyǵarylyp, 2 200 km aryq jelisi tazalandy. Oblys aýmaǵynda aksııa kezinde 29 514 túp aǵash otyrǵyzyldy.
Jetisý oblysy
