Aqparattar aǵyny

*Elimizde AI-92 markaly benzındi ishki tutyný kólemi 2,9 mln. tonnany qurady. Ener­getıka mınıstrliginiń derek­terine súıensek, ótken jyly Pavlodar munaı-hımııa­lyq jáne Atyraý, Shymkent munaı óńdeý zaýyttarynda shamamen 1,9 mln. tonna AI-92 markaly benzın, 4,1 mln. tonna dızel otyny óndirilgen. *Almaty oblysynda sút fermasy iske qosyldy. Onyń ashylý rásimine aımaq basshysy Amandyq Batalov qatysty. Qarasaı aýdanynda ornalasqan bul óndiris orny 750 bas iri qara malyn ustaýǵa shamalanǵan. Munda jylyna 6 myń lıtr taýarly sút óndirý josparlanyp otyr. *Sozaq aýdanynda mal bor­daqylaý isin kásipke aınal­dy­rýǵa basymdyq berilip keledi. Ońtústik Qazaqstan oblystyq ákimdiginiń baspasóz qyzmeti habarlaǵandaı, byltyr aýdanda 8,5 mlrd. teńgeniń aýylsharýashylyq ónimderi naryqqa shyǵarylǵan. *Aqmolada 2014 jyly negizgi kapıtalǵa salynǵan ınves­tısııalardyń kólemi 181 141,6 mln. teńge boldy. Oblystyq statıstıka de­par­ta­mentiniń baspasóz qyz­meti keltirgen málimetterge qaraǵanda, bul – ótken jyldyń dengeıinen 22,3 paıyzǵa ar­tyq. Aıta keteıik, aımaqta ınves­tısııalyq qarjylardyń 20,4 paıyzy óńdeý ónerkásibine baǵyttalǵan. *Batys Qazaqstannyń bıýd­jeti 118 mlrd. teńgege jet­ti. Oblystyq qarjy bas­qar­ma­synyń málimetinshe, munyń 113,3 mlrd. teńgesi kiris bolyp tabylady. Sondaı-aq, respýblıkalyq bıýdjetten ótken jyly 3,5 mlrd. teńge zaımdyq qarjy túsip, ol memlekettik baǵdarlamalardy júzege asyrýǵa jáne aýyldaǵy mamandardy áleýmettik qol­daýǵa jumsaldy. *Byltyr Soltústik Qazaq­stannyń kardıologııalyq ortalyǵynda júrekke 255 ota jasaldy. Atap ótý kerek, kardıoortalyq jyl saıyn medısınalyq qondyrǵymen jańartylyp otyrady. О́t­ken jyly bul baǵytqa res­pýb­lıkalyq bıýdjetten 29 mln. teńge jáne oblystyq qazy­nadan 52 mln. teńge qaraldy. Habarlar Úkimet, oblystyq ákimdikter saıttary men «QazAqparat» derekteri boıynsha daıyndaldy.