Erbol Áliqulov ótken jyly Qazaqstan men Indonezııanyń dıplomatııalyq qarym-qatynasyna 30 jyl tolǵanyn atap ótti.
«Osy ýaqyt ishinde elderimiz ekijaqty ózara tıimdi yntymaqtastyq aıasynda tyǵyz jáne senimdi qarym-qatynas ornatty. Qazir biz eki eldiń mádenı is-sharalarǵa qatysýy arqyly birlesken jumysty jandandyrýymyz qajet», dedi Mádenıet jáne aqparat vıse-mınıstri.
Qazaqstan men Indonezııa arasyndaǵy mádenı yntymaqtastyq týraly memorandýmǵa 2013 jyly qol qoıylǵan. Seriktester ózara baılanys aıasyn keńeıtýge nıetti.
«Qazaqstan men Indonezııanyń ortaq tustary kóp. Biz – kópetnosty jáne alýan mádenıetti memleketpiz. Bizdiń yntymaqtastyǵymyz budan da tıimdi ári jemisti bolatynyna senimdimin», dep atap ótti Hılmar Farıd. Sonymen qatar eki elde de almasý negizinde oqıtyn stýdentter sanyn kóbeıtýdi usyndy.
Jıyn sońynda qatysýshylar beıneleý jáne sándik-qoldanbaly óner, mýzyka, teatr jáne kınematografııa salasyndaǵy yntymaqtastyqty qarastyrýǵa jáne nyǵaıtýǵa daıyn ekenin atap ótti.
