Foto: rail-news.kz
Kásipker Erlan Atamqulov 2002-2007 jyldar aralyǵynda «Qazaqstan Temir joly» AQ Prezıdenti qyzmetin atqardy. 2005-2006 jyldary kompanııanyń vıse-prezıdenti bolyp Qaırat Satybaldy bekitilgen.
Kompanııanyń burynǵy basshysy Erlan Atamqulov Qaırat Satybaldy orynbasary bolǵan tusta «Qazaqstan Temir joly» jumysyna keltirgen kedergilerin baıandady.
«Jumys júrdi, biraq odan kedergi kóp boldy. 2006-2007 jyldary kóp jumys isteı almadyq, ýaqyt Qaırat Satybaldynyń áreketimen kúresýge ketti. 2006 jyly tamyz aıynda eks-prezıdentke kirip Qaırattyń ne istep jatqanyn, is osylaı jalǵasa berse temirjoldy jaǵdaıy qalaı bolatyny eseptelgen qaǵaz ben jumystan ketý týraly ótinishti alyp bardym. Burynǵy prezıdent inisine «sen endi temirjolda istemeısiń, kólik mınıstriniń orynbasary bolasyń» degende, Qaırat eshqaıda barmaıtynyn aıtyp, ashýlandy», dedi Erlan Atamqulov.
«QTJ» kompanııasy burynǵy tóraǵasynyń aıtýynsha, Qaırat Satybaldy orynbasarlyq jumysqa kele sala, qarjy talap ete bastaǵan.
«300 mıllıon berseń, men jumystan qazir-aq ketem dep te aıtty. Men birge jumys isteıik dep, onymen durys qarym-qatynasta bolýǵa tyrystym. Jumys istesip ketemiz, ol maǵan kómek bolady dep oıladym. Kerisinshe, ol ártúrli jobalardy surap, bárine aralasyp ketti.», deıdi Erlan Atamqulov.
Burynǵy basshy «QTJ» jumysyndaǵy ózge de máselelerdi aıtyp berdi.
