Kólemdi maqala qazaq beıneleý óneriniń belgili ókili Quttybek Jaqyptyń shyǵarmashylyǵy týraly baıandaıdy.
Quttybek Jaqyp - belsendi izdenisimen erekshelenip, qazaq beıneleý ónerine tyń ınnovasııa alyp kelgen shyǵarmashyl tulǵa. О́z isiniń naǵyz sheberi elimizde alǵash ret teriniń túkti jaǵyna túkterdi qyrý men oıý arqyly kompozısııa jasap, al túksiz jaǵyna maıly boıaýmen sándik beıneleý ádisimen keskindeme salǵan.
«Quttybek elimizge o basynda gobelen shyǵarmashylyǵymen tanymal bolǵanymen, onyń kórkem óńdeý arqyly terini stanoktyq kartına deńgeıine deıin kóterý eńbegin kópshilik qaýym qazirgi kezdegi beıneleýdegi jańashyldyq retinde bile bermeıdi. Quttybektiń sońǵy kezdegi shyǵarmashylyǵyna tán jańashyldyq – maldyń terisin óner materıaly retinde, beıneleý múmkindigi retinde tanýy. Sheberdiń jıi qoldanatyn materıaly – qara maldyń tutas terisi», dep jazdy maqala avtory.
Qýandyq Eralın sýretshiniń týyndylary men ıdeıalaryna, stıli men sheberligine toqtala ketti.
«Terini kórkem óńdeý men ony kompozısııalyq shyǵarmashylyqqa, obrazdyq deńgeıge deıin kóterý nátıjesi ádiletti Qazaqstan ıdeıasynyń elimizdiń beıneleý ónerindegi jańa bastalyp kele jatqan kórkemdik is-áreket baǵytyn kórsetedi. Terini kórkem óńdeý men ony stılızasııalyq-obrazdyq deńgeıge kóterý – Quttybek Jaqypqa tán jańashyldyq jol», deıdi avtor.
Maqalanyń tolyq nusqasyn myna silteme arqyly oqı alasyz.
