«Azamattyq paryz bıiktigine qýandym»

QARAǴANDY. 26 sáýir. Qaraǵandy oblysynda saılaý joǵary deńgeıde ótýde. Saılaýda jasy endi 18-ge tolǵan qyz-jigitter, orta jastaǵy azamattar men zeınetkerler belsene daýys berip jatyr. Biz solardyń biri Qaraǵandy oblysynyń qurmetti azamaty, « Qurmet» ordeniniń ıegeri Jarylqasyn Bıkenovpen áńgimeleskenimizde ol saılaýdyń laıyqty ótip jatqanyn aıtty. Bul týraly egemen.kz tilshisi habarlady. «Saılaýdyń ózindik ereksheligi  bolady desek, meni osy joly jurttyń daýys berý oryndaryna erteletip aǵylýy súısindirdi. Otbasymyz músheleri tirkelgen saılaý ýchaskesine tańǵy saǵat 6.00-den  asa bere kelip edim, biraz adam  jınalyp turýyna qýanyp qaldym. Bul elimizdiń saıası ómirindegi óte mańyzdy sharaǵa qatysý árbir azamattyń basty mindeti men paryzy ekenin kórsetýmen birge  elimiz ósip-órkendeýine jańa jol ashýǵa degen yntasyn aıǵaqtar oqıǵa bolýy kóńil-kúı ósirdi», - dedi ol. Sonymen birge ol saılaýdyń eldiktiń, tutastyqtyń, baýyrlastyqtyń, tatýlyqtyń jarqyn merekesine aınalyp,  barsha qazaqstandyqtar sııaqty qaraǵandylyqtar da óz tańdaýlaryn jasaýǵa joǵary jaýapkershilikti sezgenderin aıtty.  «Qazaqstanymyzdyń beıbitshilikti, senimdilik pen turaqtylyqty nyǵaıtýǵa ,  halyqtyń ál-aýqatyn kóterýge negizdelgen syrtqy jáne ishki saıasatyna qoldaý saılaýda aıqyn kórinis tabatyndyǵy sózsiz. Meniń de daýsym Otanymyzdyń gúldenip , kórkeıýine arnaldy», - dedi Jarylqasyn Bıkenov. Aıqyn Nesipbaı. Derek, sýret: egemen.kz