Foto: inbusiness.kz
Eske salaıyq, bıyl eldiń basym bóliginde shomylý maýsymy 1 maýsym kúni bastaldy.
Shomylý maýsymy bastalǵaly beri sý aıdyndarynyń qorǵalmaǵan bólikterinde 42 turaqty jáne qosymsha 150-ge jýyq jyljymaly maýsymdyq qutqarý beketteri ornatylǵan.
Sondaı-aq shomylýǵa tyıym salynǵan 4 598 oryn anyqtalyp, onda 5 894 eskertý jáne tyıym salý belgileri qoıylǵan.
«Sýdaǵy qaýpisizdik qaǵıdatyn saqtamaý tártibi boıynsha 39 853 reıd pen patrýl júrgizildi. Anyqtalǵan zań buzýshylar Ákimshilik quqyq buzýshylyq týraly kodeksiniń «Ortaq sý paıdalaný qaǵıdalaryn buzǵany» 364-shi, «Sý aıdyndaryndaǵy qaýipsizdik qaǵıdalaryn buzý nemese oryndamaǵany» 412-shi jáne «Alkogoldik ishimdikter ishý nemese qoǵamdyq oryndarda mas kúıinde bolǵany» 440-shi baptary boıynsha ákimshilik jaýapkershilikke tartylady. Jyl basynan bastap 9 myńǵa jýyq hattama toltyryldy», dedi Aqylbek Ahmetjanov.
Jyl basynan beri patrýldeý ótkizý barysynda 131 adam qutqarylǵan, onyń ishinde 35 bala bar.
«Bıylǵy shomylý maýsymy bastalǵaly (1 maýsym men 9 shilde aralyǵynda) 64 adam sýǵa batyp ketti, onyń ishinde 28 bala bar. 2023 jyly osyǵan uqsas kezeńde 76 adam sýǵa batyp ketken, onyń ishinde 21 bala bolǵan. Adam ólimi 16 paıyzǵa, bala ólimi 33 paıyzǵa ósti», dedi Aqylbek Ahmetjanov.
