Memlekettik qyzmet kórsetýdi jetildirý joly

Jıynǵa Konsýltatıvtik-sarap­tamalyq toptyń músheleri, Prezıdent Ákimshiliginiń, Úkimet apparatynyń, Sıfrlyq damý, ınnovasııalar jáne aeroǵarysh ónerkásibi mınıstrliginiń laýazymdy tulǵalary, «Azamattarǵa arnalǵan úkimet «memlekettik korporasııasy» KeAQ, «UAT» AQ, sondaı-aq ortalyq memlekettik jáne jergilikti atqarýshy organdar beınekonferensııa arqyly qatysty.

Mem­lekettik qyzmet isteri agent­tiginiń tóraǵasy Darhan Jazyqbaı memleket­tik basqarýdy damytýdyń 2030 jylǵa deıingi tujyrymdamasynda memlekettik basqarýdyń servıstik jáne «adamǵa baǵdarlanǵan» modelin qalyptastyrý negizgi talap retinde aıqyndalǵanyn jetkizdi.

– Memlekettik qyzmet kór­setý úderisterin únemi jetildirý – jumy­symyzdaǵy negizgi us­tanym­dardyń biri. Bul mindetti júzege asyrýda jeke múddeden góri qyzmet alýshylardyń zańdy quqyqtary bas­ty nazarda bolýy qajet. Osyǵan sáı­kes azamattar men olardyń ál-aýqaty basty qundylyq sanalady. Bıyl «Memlekettik kórsetiletin qyzmetter týraly» zańnyń qabyldanǵanyna 11 jyl tolyp otyr. Onyń jekelegen normalarynyń jetkilikti ýaqyt synaqtan ótkenin, quqyq qoldaný tájirıbesi qalyptasqanyn eskere kele erejelerdi qaıta qaraý, jańa quqyqtyq ınstıtýttardy engizý qajet­tigi týyndaǵanyn atap ótý kerek, – deıdi Darhan Jazyqbaı.

Otyrysta memlekettik qyzmet kórsetý salasyndaǵy zańnamany jetil­­dirýdegi jańa tásilder men qyz­metterdi usyný rásimderin ilgeri­­letý aıasynda júrgizilgen taldaý qory­tyndylary qaraldy. Esepke kóz salsaq, memlekettik qyzmet kórsetýde 59 myńǵa jýyq zań buzýshylyq anyq­talǵan. Zańsyzdyqtardyń basym bóligi artyq qujattardy talap etý men qyz­met kórsetýden negizsiz bas tartý sebe­binen tirkelgen.

– Bıýrokratııadan arylý degeni­miz – eń aldymen, negizsiz kedergiler­di, qolaısyz merzimderdi, qajetsiz qujattardyń barlyǵyn toptastyryp, ońtaılandyryp, azamattarǵa memlekettik kórsetiletin qyzmetterdiń sapasy men qoljetimdiligin arttyrý. Buǵan deıin, Premer-mınıstrdiń tapsyrmasymen Memlekettik qyz­met isteri agenttigi Sıfrlyq damý, ınnovasııalar jáne aeroǵarysh ónerkásibi mınıstrligimen birlesip, «Azamattarǵa arnalǵan úkimet» mem­lekettik korporasııasynyń, «Ulttyq aqparattyq tehnologııalar» AQ jáne 29 ortalyq organ ókilderiniń qatysýymen tizimge engizilgen barlyq memlekettik kórsetiletin qyzmetterge tyńdaýlar uıymdastyrǵan bolatyn. Arnaıy qurylǵan Konsýltatıvtik-saraptamalyq toptyń negizgi mindeti – qyzmet túrlerin saralaı otyryp, muny odan ári jetildirýge usynystar ázirleý. Qazirgi tańda elimizde 1 326 memlekettik qyzmettiń ázirshe 42-si, ıaǵnı 3%-y proaktıvti, al «bir ótinish» negizinde ózara baılanysty birneshe memlekettik qyzmetterdi alýǵa múmkindik beretin kompozıttik ádiste 8%-y, eksaýmaqtyq tásildermen 68%-y kórsetiletini anyqtaldy, – deıdi Memlekettik qyzmet isteri agenttigi tóraǵasynyń orynbasary Salaýat Múksimov.

Túsindire ketsek, memle­kettik qyzmetterdi kórsetýdiń proaktıvti tásili engizilgen kezde memlekettik organdar azamattarǵa olar ótinish bermeı-aq memlekettik qyzmetterdi kórsetýge usynys jasaıtyn bolady.

– 17 baǵyt boıynsha júrgizilgen taldaý nátıjesinde 30 memlekettik kórsetiletin qyzmetti eksaýmaqtyq, 251 memlekettik kórsetiletin qyzmetti proaktıvti, 72 memlekettik kórsetiletin qyzmetti kompozıttik formatqa aýys­tyrý týraly, sondaı-aq memlekettik qyzmet kórsetý merzimin qysqartý boıynsha 273 usynys ázirlendi. Bul qaǵıdalardy memlekettik qyzmet­ter kórsetýdiń bıznes-úderisterine reınjınırıng júrgizý, olardy kórsetý qaǵıdalaryn ázirleý kezinde memlekettik organdar bas­shylyqqa alady. Ilkimdi is qujat­tardyń merzimderi men sanyn azaıtýdy, anyqtamalyq qyzmetterdi, tolyqqandy emes nemese jartylaı kórsetiletin qyzmetterdi alyp tas­taýdy kózdeıdi jáne osy salanyń servıstiligin arttyrýǵa baǵyttalǵan, – deıdi Memlekettik qyzmet isteri agenttigi Memlekettik apparatty bıýrokratııadan aryltý, memlekettik qyzmetterdiń kórsetilý sapasyn baǵalaý jáne baqylaý departamentiniń dırektory Ashat Iskendırov.

Sondaı-aq taldaý barysynda qyz­met­terdi kórsetý merzimderin esep­teý kezinde biryńǵaı tásil joq ekendigi anyqtaldy. Máselen, nor­ma­tıvtik quqyqtyq aktiler­ge sáıkes qyz­metterdi kórsetý mer­zimderi jumys nemese kúntizbelik kúnder­de eseptelýi múmkin. Osyǵan oraı jıynda agenttik tarapynan qyzmet­terdi kórsetý merzimderin birkelki qol­daný maqsatynda, ıaǵnı demalys jáne mereke kúnderinde berilý múm­kin (qajettiligine baılanysty) mem­lekettik kórsetiletin qyzmet­ter­di qospaǵanda, merzimderdi kúntiz­belik kún­der­den jumys kúnderine aýystyrý máse­lesin qarastyrý týraly aıtyldy.

Budan ózge azamattardyń mem­leket­tik qyzmetterdi alý rásimderin jeńildetetin «formaldy sebepterge baılanysty bas tartýǵa jol bermeý», «ozyńqy ótinishter júıesine» kóshý sııaqty jańa quqyqtyq ınstıtýttardy engizý usynyldy.

Agenttik ókilderi memlekettik qyzmet kórsetý úderisine tıisti qorytyndy nemese kelisim beretin ózge de memlekettik organdar men uıymdar qatysa alatynyna nazar aýdardy. Osyǵan sáıkes olar úshin memlekettik qyzmetter kórsetý boıynsha quqyqtar men mindetterdi aıqyndaý, kelisý merzimderi men tártibin belgileý usynyldy, bul olardyń jaýapkershiligin arttyrady.

Konsýltatıvtik-saraptamalyq top oty­rysynyń qorytyndysynda or­ta­lyq jáne jergilikti atqarýshy organdarǵa atalyp ótken usynystar­dy júzege asyrýǵa qatysty birqatar sheshimdi sharalar qabyldaý, sıfrlan­dyrý baǵytynda júrgizilip jat­qan jumystardy eskere otyryp, memle­kettik qyzmetter kórsetý rásimderin odan ári jetildirý jumystaryn bekitý tapsyryldy.