Shaqyrtýǵa jedel járdem kóligi 20 mınýtta jetkenmen áıeldiń tolǵaǵy 2 saǵat buryn bastalǵan eken. Olar júktiliktiń 39-40-shy aptasyna jetken áıeldi úıinde bosandyryp alýǵa májbúr bolǵan. Shuǵyl shaqyrý ornyna 19/23 brıgada feldsheri Maqpal Qunafına men qosalqy feldsher Bahytgúl Rysmendıeva barǵan.
«Kele salyp naýqasqa jedel medısınalyq járdem kórsettik. Shaqyrtý túsken kezde dıspetcher tolyq málimetti bergen bolatyn. Ýaqytty sozbaı birden bosandaryp alýǵa kóshtik», deıdi 19/23 brıgada feldsheri Maqpal Qunafına.
Jedel medısınalyq kómektiń arqasynda 19/23 brıgadasy áıeldi aman-esen bosandyryp, Qaskeleń aýdandyq aýrýhanasyna jetkizdi. Qazir jańa bosanǵan áıel men onyń sábıiniń jaǵdaıy jaqsy.
Aıta keteıik, Almaty oblysynyń halyq sany 1 mln 582 myń 52 adam. Sońǵy 6 aıdyń ishinde oblystyq jedel járdem qyzmetkerleri 327 myń 566 shaqyrtýǵa qyzmet kórsetken.
