Oblystyq ishki ister departamenti uıymdasqan qylmyspen kúres basqarmasy jáne «Arlan» arnaıy bólimshesi qyzmetkerleri 64 jastaǵy azamattyń jeti jylǵa taıaý ýaqyt quldyqta ustalǵanyn anyqtady.
Bul jaıt shalǵaıdaǵy Bókeı ordasy aýdanyndaǵy mań dalada, mal qystaǵynda oryn alǵan.Onyń eriksiz eńbek tutqynynda júrgeni belgili bolǵannan keıin «esin jıǵan» jábirlenýshi polısııaǵa ótinish-shaǵym jazyp, atalǵan ýaqyttyń aralyǵynda oǵan eshqandaı tólem tólenbegeni jóninde aıtqan. Batys Qazaqstan oblystyq ishki ister departamenti baspasóz qyzmetiniń jetekshisi Gúljan Qanatova joǵarydaǵydaı málimdeme jasady. Osydan keıin basyna bir úlken qara bulttyń tónip kele jatqanyn seze qoıǵan sharýa qojalyǵynyń jetekshisi, ıaǵnı zeınet jasyndaǵy adamdy quldyqqa jekken menshik ıesi oǵan alty jyldan astam ýaqyttaǵy eńbegi úshin 760 myń teńge tólegen. Osymen ol óz aıyby men kinásinen tolyq aryla ala ma? Aryla almaıtyn sekildi. О́ıtkeni, oǵan qatysty Qazaqstan Respýblıkasy Qylmystyq kodeksinde qarastyrylǵan «Adamdardy satý» arnaıy baby boıynsha sotqa deıingi tekserý isi bastalyp ketipti.
Temir QUSAIYN, «Egemen Qazaqstan».
Batys Qazaqstan oblysy, Bókeı ordasy aýdany.
