Bul - Memleket basshysy Qasym-Jomart Toqaev pen QHR Tóraǵasy Sı Szınpınniń Qazaqstanǵa resmı sapary aıasynda qol qoıylǵan 30-ǵa jýyq kelisimniń biri.
Saltanatty is-sharaǵa QazUAZÝ rektorynyń birinshi orynbasary Pirimqul Ibragımov, Lanchjoý ýnıversıteti delegasııasynyń jetekshisi, partııa komıtetiniń hatshysy Ma Sıaosze, Almaty qalasyndaǵy QHR Bas konsýly Szıan Veı, ǵylymı-zertteý ınstıtýttary men memlekettik organdar ókilderi qatysty.
Rektordyń birinshi orynbasary Pirimqul Ibragımovtyń aıtýynsha, ortalyqtyń negizgi qyzmeti – Qazaqstandaǵy aqyldy aýyl sharýashylyǵy salasyndaǵy ozyq tehnologııalardyń transfertin qamtamasyz etý. Munymen qosa ortalyq mamandary aýyl sharýashylyǵyn damytýǵa járdemdesip, sıfrlandyrý, genotıpterdi zertteý, jasyl jáne tómen kómirtekti tehnologııalar, sýdy tıimdi paıdalanýda birlesken jobalardy iske asyrady.
«Osy máselelerdi sheshý úshin ortalyq ǵylymı-zertteýler men bilim berý barysynda oqytýshylarmen jáne stýdenttermen almasý, birlesken ǵylymı jobalar men jarııalanymdardy, ǵylymı materıaldardy birlese daıarlap, aqparat almasyp, bilim berý baǵdarlamalary men oqý josparlaryn ázirleýdi, semınarlar, konferensııalar jáne sheberlik sabaqtaryn, birlesken akademııalyq is-sharalardy uıymdastyrýdy júzege asyrady», dep atap ótti Pirimqul Sholpanqululy.
Osy rette QazUAZÝ basqarma tóraǵasy-rektor, UǴA prezıdenti, akademık Aqylbek Kúrishbaevtyń ǵylym, bilim berý jáne agrarlyq salada Qazaqstan men Qytaıdyń senimdi seriktes retinde yntymaqtastyǵynyń damýyndaǵy zor úlesin, osy jumystardy halyqaralyq deńgeıde uıymdastyrǵanyn atap ótken oryndy. Rektordyń bastamasymen ýnıversıtet QHR-dyń 20-dan astam jetekshi bilim berý, ǵylymı uıymdarymen tyǵyz baılanys ornatyp, birqatar kezdesýler ótkizip, nátıjesinde ózara yqpaldastyq kelisimsharttary jasalǵan edi.
Almaty qalasyndaǵy QHR Bas konsýly Szıan Veı óz sózinde eki el arasyndaǵy yntymaqtastyqty damytý barysyna toqtalyp, ǵylym jáne bilim berý baılanystaryn tereńdetýdiń tıimdi tetikterin birlese izdestirý men iske asyrýda qolǵa alynǵan bastamalarǵa qoldaý bildirdi. Ortalyqtyń ashylýy eki eldiń ǵalymdaryna aýyl sharýashylyǵy ónerkásiptik kesheni máseleleri boıynsha birlesken ǵylymı zertteýler júrgizýge, jańa tehnologııalar transfertin júzege asyrýǵa, básekege qabiletti mamandardy birlese daıarlaýǵa múmkindik beretinin atap ótti.
О́z kezeginde Lanchjoý ýnıversıteti delegasııasynyń jetekshisi Ma Sıaosze Qytaıdyń aýyl sharýashylyǵyn damytýdaǵy tájirıbelerin paıdalana otyryp, Qytaı tehnologııasyn Qazaqstanǵa engizý barysyna, aýyl sıfrlandyrýdyń mańyzdylyǵyna nazar aýdardy.
Lanjoý Ýnıversıteti – júz jylǵa jýyq tarıhy bar, QHR bilim mınıstrliginiń tikeleı qaramaǵyndaǵy jáne Double First Class quramyna kiretin jetekshi oqý ordasynyń biri. Munda 31 fakýltette aýyl sharýashylyǵy ǵylymdary, farmakologııa jáne toksıkologııa, ınjenerııa, ekologııa, matematıka, hımııa, fızıka, botanıka jáne zoologııa, bıologııa, bıohımııa, klınıkalyq medısına, áleýmettik ǵylymdar, kompıýterlik ǵylymdar, óńirlik ekonomıka jáne ıadrolyq ǵylym salalary boıynsha mamandar daıarlanyp jatyr.
Ortalyq qyzmetin ári qaraı damytý maqsatynda zerthanalardy quryp, olardy jabdyqtaýdy, birlesken zertteýler júrgizýdi Qytaı tarapynan qarjylandyrý kózderin qarastyrý, bilim berý baǵdarlamalaryn júzege asyrýdy jedeldetý sııaqty keshendi máseleler talqylandy.
Taraptar Qazaqstan-Qytaı aqyldy aýyl sharýashylyǵy ortalyǵynyń ashylýy jáne ózara áriptestik yntymaqtastyqty odan ary damytý týraly kelisimge qol qoıyp, oqý ornynyń ǵylymı-ınnovasııalyq ınfraqurylymymen, ǵylymı jetistiktermen tanysty.
ALMATY
