Foto:kp.ru
Kezdesýge Mádenıet jáne aqparat mınıstrliginiń, Oqý-aǵartý mınıstrliginiń, Ǵylym jáne joǵary bilim mınıstrliginiń, «Atameken» Ulttyq kásipkerler palatasynyń ókilderi, JOO basshylary jáne t. b. qatysqan.
Aıta keteıik, Mádenıet jáne aqparat mınıstrligi elimizdiń 10 oqý ornynda shyǵarmashylyq mamandardy daıarlaıdy. Olar: 4 joǵary oqý orny, 4 kolledj jáne 2 arnaıy mektep.
Nátıjesinde 2024-2025 oqý jylyna bakalavrıatqa 895, magıstratýraǵa 166 jáne doktorantýraǵa 26 bilim grantyn bólý týraly sheshim qabyldandy.
Sonymen qatar kásiptik jáne tehnıkalyq bilim berý mekemeleri arasynda 550 bıýdjettik oryn bólindi. Bul ótken oqý jylymen salystyrǵanda 50 grantqa artyq ekeni belgili boldy.
«Sarapshylar sheshim qabyldaý barysynda eń aldymen eńbek naryǵynyń qajettilikterin eskerdi. Nátıjesinde mýzykalyq teatr rejısserlerine, mýzykatanýshylarǵa, restavrator-sýretshilerge jáne ssenarısterge degen suranys joǵary ekeni anyqtaldy. Osyǵan baılanysty jańa bilim berý baǵdarlamalaryn ashyp, granttar sanyn kóbeıtý arqyly osy mamandyqtar boıynsha kadrlar daıarlaýǵa nazar aýdarý usynyldy», delingen Mádenıet jáne aqparat mınıstrligi taratqan habarlamada.
