Mohsen Muhammadı ARAKI, Dúnıejúzilik Islam mazhabtaryn jaqyndastyrý assambleıasynyń Bas hatshysy: – Álemdik jáne dástúrli dinder lıderleriniń sezin ótkizý qazirgideı kúrdeli kezeńde óte qajet. Búginde dúnıejúziniń túkpir-túkpirinde teris aǵymdardyń is-áreketteri keńinen beleń alýda. Sondyqtan, ekstremıstik, terrorıstik baǵyttaǵy uıymdarmen kúres júrgizý úshin qoǵamnyń ózi birigýi kerek. Sondaı-aq, búginde keıbir saıası derjavalar «Ál-Kaıda», «Islam memleketi» sekildi qaýipti uıymdarǵa qoldaý kórsetip keledi. Iаǵnı, bulardyń artynda sýperderjavalar tur. Demek, biz, osyndaı úderisterdiń aldyn alýdyń barlyq joldaryn qarastyrýymyz kerek. Sonda ǵana biz olardan tónýi múmkin alapat qaýiptiń tamyryn túbirimen joıa alamyz. Jalpy, saıasatkerler Sırııadaǵy jaǵdaıdy qalpyna keltirýge nazar aýdarýy qajet. Sebebi, onda qaza tapqan azamattardyń sany kún ótken saıyn artyp keledi. Lıvııada, Irakta, Iemende de dál osyndaı jaǵdaı qalyptasýda. Biz qantógisti toqtatyp, osy aımaqtarda tynyshtyq ornatýymyz kerek. Al bul sezd bizdiń beıbitshilikti ornatýǵa baǵyttalǵan naqty usynystarymyzdy jarııalaýǵa úlken múmkindikter berip otyr.
Ahmed Júsip ál-DRAIVISh, Islamabad halyqaralyq Islam ýnıversıtetiniń prezıdenti: – Qazaqstan tarapynan uıymdastyrylyp otyrǵan Álemdik jáne dástúrli dinder lıderleriniń V sezine qatysqanyma óte qýanyshtymyn. О́ıtkeni, osyndaı bedeldi, álemdik mańyzy bar ózekti máseleler talqylanatyn forýmnan alarymyz kóp. Jaqsylyqqa úndeıtin, beıbitshilikke shaqyratyn osyndaı jıyn ótkizip otyrǵan qazaqstandyqtarǵa, Prezıdent Nursultan Nazarbaevqa alǵysym sheksiz. Menińshe, mundaı aýqymdy, halyqaralyq deńgeıdegi jıyndardy uıymdastyrýda Qazaqstannyń tájirıbesi mol. О́zimiz kýá bolyp otyrǵanymyzdaı, bul forým joǵary deńgeıde ótýde. Bári de talapqa saı. Taǵy bir aıta keter jaıt, Qazaqstan Prezıdenti – qashanda jaqsy bastamalar kóterip, ony sońyna deıin jetkize biletin qaıratker. Basqasyn bylaı qoıǵanda, 2003 jyldan beri ótkizilip kele jatqan sezd jahandyq únqatysýdyń bedeldi alańyna aınaldy. Bul, árıne, sizderdiń Prezıdentterińizdiń eren eńbeginiń arqasy. Qazir bul forýmǵa álemniń túkpir-túkpirinen asa mártebeli qonaqtar qýana keletin bolǵan. Budan biz Qazaqstannyń abyroı bıiginde turǵanyn uǵamyz.
Mıhaıl POPHADZE, Grýzııa pravoslavıe shirkeýiniń protıereıi: – Men bul forýmnan úlken áser alyp turmyn. Qazaqstan Prezıdenti Nursultan Nazarbaevtyń osyndaı forým uıymdastyryp, ártúrli dinder kóshbasshylarynyń ózara pikir alysýyn uıymdastyrǵany – óte utymdy shara dep sanaımyn. Sondyqtan da men ol kisige ózimniń alǵysymdy joldaǵym keledi. Jalpy, únqatysý sózi tek saıasatkerler arasynda ǵana bolatyn sııaqty túsinik qalyptasqan. Is júzinde únqatysý adamzat qoǵamynyń barlyq toptary arasynda da bolýy kerek. Sonyń ishinde dinbasylary da ózara únqatysýdyń bolǵanyn qalaıdy. Mine, búgin sondaı maqsatqa qol jetkizip otyrmyz. Men osy máseleni bul forýmnyń úlken jetistigi dep sanaımyn. Osyndaı forýmdar, tipti, jyl saıyn ótip tursa da artyq bolmas edi. Odan adamzat utpasa utylmaıdy. О́ıtkeni, árkimniń ishindegi problemalary qarsylastaryna belgili bolsa, onyń sheshilý joldary da jeńil bolady.
Evald KRASOVSKII, Evangelıe-lıýteran shirkeýiniń Aqmola oblystyq nastoıateli: – Men ózim barlyq konfessııa ókilderin jınap, bárine birdeı teń minber berip jáne qoǵamda kelisim men tózimdilikke qol jetkizip otyrǵan Qazaqstandaı elde turatynyma maqtanamyn. Eger biz Qudaıdy súıemiz, odan qorqamyz dep ústimizdegi bılikke qarsy bolsaq, bizdiń jalǵanshy bolǵanymyz. Biz ózimizdiń bıliktiń berik bolǵanyn Qudaıdan surap, qulshylyq etýimiz kerek. Sonymen birge, bılikke kómekteskenimiz jón. Eger maǵan osy sezde sóıleýge múmkindik berilgen bolsa, men barlyǵyn da dostyq pen kelisimde ómir súrýge shaqyrar edim. Onyń úlgisi – ózderińiz kelip otyrǵan Qazaqstan. Bizden úırenińizder dep aıtar edim. Sezd barysynda men ózimniń kóptegen dinı áriptesterimmen sóılesip, pikir alystym. Olardyń báriniń de bizdiń elimizge degen kózqarasy túzý, bári de Qazaqstannyń osy joldan taımaı, alǵa basa bergenin qalaıdy.
