Qos memlekettiń qarjy ınstıtýttary ortalyq bankterdiń sıfrlyq valıýtalary (Central Bank Digital Currency/CBDC) salasyndaǵy zertteýlerge baǵyttalǵan yntymaqtastyq týraly memorandýmǵa qol qoıdy. Qujat QHR tóraǵasy Sı Szınpınniń Qazaqstanǵa memlekettik sapary barysynda qabyldandy. Memorandým aıasynda bankter CBDC salasynda tájirıbe men saraptama almasý, sondaı-aq osy salada birlesken zertteýler júrgizý týraly kelisken.
Budan basqa, taraptar birlesken oqytý baǵdarlamalary arqyly qyzmetkerlerdiń quzyrettiligin damytýdy josparlap otyr. Memorandýmnyń maqsattaryn iske asyrýǵa sondaı-aq Qazaqstan Ulttyq bankiniń Ulttyq tólem korporasııasy men Qytaı Halyq bankiniń Sıfrlyq valıýta ınstıtýty qatysady.
– Qol qoıylǵan qujat qarjy salasyndaǵy halyqaralyq yntymaqtastyqtyń jáne eki eldiń ınnovasııalarǵa, sıfrlyq tehnologııalardy damytýǵa umtylysynyń mańyzdylyǵyn atap kórsetedi. Ortalyq banktiń sıfrlyq valıýtasy (Central Bank Digital Currency/CBDC) – Ortalyq bank baqylaıtyn jáne shyǵaratyn ulttyq valıýtanyń elektrondy balamasy. Cryptocurrency salasyndaǵy kóptegen sarapshy CBDC qarjy júıesin aýystyrýǵa qabiletti negizgi úrdiske aınalady dep boljaıdy, – delingen habarlamada.
