Foto:class-tour.com
IIM baspasóz qyzmetiniń málimetinshe, Túrkistan áýejaıyndaǵy Jelilik polısııa bólimshesiniń kóshi – qon qyzmetiniń qyzmetkerleri QR UQKŃ-men birlesip Túrkistan-Ystanbul qatynasymen reıske tirkelý kezinde erli-zaıyptylardy toqtatqan. Anyqtalǵandaı, 54 jáne 45 jastaǵy áıeli men kúıeýiniń qos azamattyǵy bolǵan.
«AQSh azamattaryna qatysty shetel azamattyǵyn alý faktisin zańnamada belgilengen merzimde habarlamaǵany úshin ákimshilik hattama jasaldy. Is Túrkistan oblysynyń mamandandyrylǵan ákimshilik sotynda qaraldy. Sot sheshimi boıynsha sheteldikterge 200 AEK (738 400 teńge) mólsherinde aıyppul salyndy», delingen habarlamada.
Jalpy, 2024 jyly kóliktegi PD qyzmetkerleri Qazaqstannyń kóshi-qon zańnamasyn buzǵany úshin 1483 sheteldikti ákimshilik jaýapkershilikke tartqan. Onyń ishinde 484 shetel azamaty sot sheshimimen elden shyǵarylǵan. Sondaı-aq qos azamattyǵy bar 181 adam anyqtalǵan.
