Kollajdy jasaǵan – Almas MANAP, «EQ»
«Keıingi 3 jylda mıkroqarjy uıymdary men kredıttik seriktestikterdiń bızneske bergen kredıtter portfeli 4 eseden astam ósip, 1,4 trln teńgege jetti. Osy kredıttik uıymdardyń qaryz alýshylarynyń sany 250 myń kásipkerden asty», dedi agenttik tóraǵasy taıaýda ótken Mıkroqarjy sektory: ornyqty damýdyń 20 jyly» atty forýmda.
«KASE» alańynda 21 mıkroqarjy uıymynyń úlestik jáne boryshtyq quraldary ornalastyrylǵan. Qor naryǵyndaǵy qaryzdardyń jalpy kólemi 41,7 mlrd teńgeni qurady.
«Mıkro jáne shaǵyn bıznes sýbektileri úshin, ásirese el óńirlerinde banktik qyzmetterdiń qoljetimdiligin qamtamasyz etý de – mańyzdy júıeli shara. Bul úshin ótken jyly zańnamalyq deńgeıde mıkroqarjy uıymyn bankterge aınaldyrýdyń jeńildetilgen tetigi engizildi. Osy ýaqytqa deıin bankke aınaldyrýǵa ruqsat alýdy 2 mıkroqarjy uıymy josparlap otyr», dedi Mádına Ábilqasymova.
Bul jerde áńgime «KMF» jáne «Solva» mıkroqarjy uıymdary týraly bolyp otyr. Zań boıynsha bank bolyp qurylatyn qarjy uıymynyń jarǵylyq jáne menshik kapıtaly 10 mlrd teńgeden kem bolmaýǵa tıis. KASE-niń 2024 jylǵy 1 sáýirdegi jaǵdaı boıynsha menshik kapıtaly boıynsha 3 mıkroqarjy uıymy talapqa saı keledi, olar – «KMF» (54,6 mlrd teńge), «Solva» (18,2 mlrd teńge) jáne «BNK Finance Kazakhstan» (18,2 mlrd teńge).
«Keıingi 3 jylda bızneske berilgen nesıe portfeli 4 ese ósip, 1,4 trln teńgege jetti. Atalǵan nesıe uıymdarynyń boryshkerleriniń sany 250 myń kásipkerden asty. О́ńirlerdegi bıznestiń qyr-syryn túsingendikten, óz qyzmetin aýqymdy túrde usynýdyń arqasynda MQU alys aımaqtardaǵy túpkilikti qaryz alýshyǵa deıin jetip jatyr. MQU bıznes sýbektileriniń qarjy resýrsyna qoljetimdiligin qamtamasyz etip qana qoımaıdy, sonymen qatar jumys oryndaryn qurady, jumyspen qamtý ósimin arttyrady jáne óńirlerdegi kásipkerlik belsendilikti yntalandyrady», deıdi QNRDA basshysy.
Mádına Ábilqasymovanyń aıtýynsha, mıkronesıeleý dınamıkasynyń oń bolýyna qaramastan, bıznes kredıti boıynsha syıaqy mólsherlemesi joǵary kúıde qalyp otyr.
«Qazir MQU-lardaǵy ortasha jyldyq paıyzdyq mólsherleme 37 paıyzdy quraıdy, nesıe seriktestikteriniń zaımy boıynsha – 17 paıyz. «MQU-daǵy nesıe resýrstarynyń qunyn tómendetý úshin agenttik naryq qatysýshylarymen birlesip kapıtal tartýdyń jańa formasyn engizý, MQU úshin kredıtterge kepildik berý jáne sýbsıdııalaý, qarjy lızıngi jáne faktorıng quraldary boıynsha memlekettik qoldaý sharalarynyń qoljetimdiligin keńeıtý jónindegi jumysty jalǵastyrady», dedi ol.
