Foto: Ashyq derekkózden
Olar qazirgi ýaqytta H.Maqajanov atyndaǵy kópbeıindi aýrýhanasynda em-dom qabyldap jatyr. Kásiporyn basshylary da zardap shekkenderge kómek kórsetip, jumyskerlerine alańdap, aýrýhananyń medısınalyq qyzmetkerlerimen baılanysyn kúsheıtip otyr.
– Bes naýqas – jansaqtaý bóliminde. Úsheýi – qarqyndy terapııa bóliminde. Dárigerler naýqastardy jiti baqylap, edel-jedel em-domyn jasap otyr, – deıdi Professor H.Maqajanov atyndaǵy kópsalaly aýrýhananyń travmatologııalyq ortalyǵynyń basshysy Berik Tileýbaev.
Densaýlyq saqtaý mınıstrliginiń tapsyrmasymen qosymsha medısınalyq kómekti kórsetý úshin Qaraǵandyǵa Akademık N.Bátpenov atyndaǵy Ulttyq travmatologııa jáne ortopedııa ǵylymı ortalyǵynyń dırektory Oljas Bekarysov bastaǵan qyzmetkerler arnaıy keldi. Medısınalyq toptyń quramynda tájirıbeli kombýstıolog-reanımatologtar bar.
Ferroqorytpa zaýytynda bolǵan jazataıym oqıǵanyń sebepteri men mán-jaılaryn anyqtaý úshin eńbek zańnamasyna sáıkes arnaıy komıssııa quryldy. Ony eńbek ınspeksııasy basqarmasynyń basshysy Murat Qaraqekilov basqarady. Komıssııa quramynda barlyq ýákiletti memlekettik organdardyń ókilderi bar.
Oqıǵa orny tekserilip, jazataıym oqıǵanyń kýágerlerine saýalnama júrgizildi, tehnıkalyq qujattamamen tanysý jumystary júrip jatyr.
Zaýyttaǵy oqys oqıǵany tergep-tekserý jumystary oblys basshylyǵynyń turaqty baqylaýynda. Oblys ákimi Ermaǵanbet Bólekpaev zardap shekken qyzmetkerlerdiń týystarymen kezdesip, dárigerlermen sóılesip otyr.
– О́zderińiz biletindeı, ferroqorytpa zaýytynda shtattan tys jaǵdaı boldy. О́kinishke qaraı, 8 qyzmetker zardap shekti. Qazir barlyǵyna tolyq kólemde qajetti medısınalyq kómek kórsetilýde. Medısına qyzmetkerleri qoldan kelgenniń bárin jasap jatyr, – dedi Ermaǵanbet Qabdýlauly.
Zardap shekken bes adamnyń jaǵdaıy ókinishke qaraı óte aýyr. Al úsheýiniń jaǵdaıy aýyr. Bul týraly oblystyń densaýlyq saqtaý basqarmasynyń basshysy Bıbigúl Tólegenova aıtyp otyr. Qazir shokqa qarsy barlyq keshendi terapııa júrgizilip jatqanyn qosa málimdedi.
Bul oqıǵaǵa baılanysty ferroqorytpa zaýytynda Qylmystyq kodekstiń QK 156-babynyń 2-bóligi boıynsha, ıaǵnı, «Abaısyzda densaýlyqqa aýyr zııan keltirýge ákep soqqan eńbekti qorǵaý erejelerin buzý» boıynsha qylmystyq is te qozǵaldy.
– Komıssııa quramyna barlyq ýákiletti memlekettik organdardyń ókilderi kirdi. Jumys birinshi kúnnen bastalyp ketti. Ár ókil óz baǵytyn pysyqtap jatyr. Bastapqyda oqıǵa bolǵan jer tekserildi, jazataıym oqıǵanyń kýágerlerine saýalnama júrgizildi. Endi tehnıkalyq qujattamamen tanysyp jatyrmyz, – dedi Murat Qaraqekilov.
Tergeý sharalary boıynsha qorytyndy jasalady.
– Bul jumysty sizder barlyq jaýapty memlekettik organdarmen, sonyń ishinde, quqyq qorǵaý organdarymen tyǵyz yntymaqtastyqta júrgizýlerińiz kerek. Túbegeıli jáne obektıvti túrde! – dep tapsyrma júktedi aımaq basshysy.
