Foto: Oral qalasy ákimdigi
«Búgin Oral qalasynyń ákimi qyzmetinen ketkenimdi habarlaımyn. Men úshin eki jyldan astam ýaqyt boıy turǵyndarmen qoıan-qoltyq jumys isteý úlken mártebe bolǵanyn aıtqym keledi», dep jazdy ol paraqshasynda.
Qala ákiminiń habarlaýynsha, onyń densaýlyǵy syr berip, buǵan deıin de ketýdi josparlaǵan. Alaıda elde bolǵan sý tasqynyna baılanysty jumystan shyǵa almaǵanyn atap ótti.
«Densaýlyǵym syr berip, qyzmetten budan buryn ketýdi oılap júrgenmin. Alaıda kóktemde qalamyzda sý tasqyny orbolyp, mundaı qıyn kezeńde jumystan shyǵa almadym. Osylaısha óz mindetterimdi áriptesterimmen birge jalǵastyra berdim», dep jazdy Satqanov.
Eske sala keteıik, Mırjan Satqanov Oral qalasynyń ákimi qyzmetine 2022 jyldyń 26 sáýirinde taǵaıyndalǵan edi.
