Foto:ratel.kz
Anyqtalǵandaı, sottalýshy iri qurylys kompanııasynda ekonomıst bolyp jumys istegen. Ol 1S býhgalterlik esep bazasyna qol jetkize otyryp, kontragentter tizimine jubaıynyń atyna rásimdelgen fırmany qosqan. Keıin atalǵan fırmadan tólem alý úshin jaramsyz shottardy býhgalterııaǵa usynǵan.
«Osylaısha, jumystardy oryndamaı jáne qyzmet kórsetpeı, sottalýshynyń jubaıynyń fırmasynyń shotyna 2022 jyldyń qańtar-sáýir aılary aralyǵynda qurylys kompanııasynyń shotynan 73,3 mıllıon teńgeden astam, 2022 jyldyń mamyr-tamyz aılary aralyǵynda 26,8 mıllıon teńge aýdaryldy. Qurylys kompanııasyna jalpy somasy 100 mıllıon teńgeden astam shyǵyn keltirildi», delingen sot habarlamasynda.
Sotta aıyptalýshy kinásin moıyndamaǵan. Alaıda, onyń kinási jábirlenýshiniń, kýágerlerdiń aıǵaqtarymen, aqsha aýdarymdary týraly málimettermen, zattar men qujattardy qaraý hattamalarymen jáne býkmekerlik keńseniń jaýaptarymen dáleldengen.
Sot úkimimen K., kináli dep tanylyp, 6 jylǵa bas bostandyǵynan aıyryldy. Sondaı-aq sot jábirlenýshi taraptyń jalpy somasy 100 mıllıon teńgeden astam azamattyq talaptaryn qanaǵattandyrǵan.
Úkim zańdy kúshine engen joq.
