Keshe alda kele jatqan Medısına qyzmetkerleri kúni merekesine oraı «Qazaqstan Respýblıkasy Prezıdenti Is basqarmasy Medısınalyq ortalyǵynyń aýrýhanasy» RMK-niń oń jaǵalaýdaǵy emdeý-dıagnostıkalyq ortalyǵynda «Ashyq esik kúni» aksııasy ótti.
Bul jóninde RMK bas dárigeriniń orynbasary joǵary sanattaǵy dáriger R.Baıqoshqarova atalmysh ortalyqtaǵy sony jańalyqtarymen bólisken edi. Atap aıtar bolsaq, Emdeý-dıagnostıkalyq ortalyǵy (EDO) atalmysh aýrýhana bazasynda da ashyldy. Mundaǵy tájirıbeli mamandar qazirgi zamanǵa medısınalyq qural-jabdyqtar kómegimen dıagnostıka jasap, zamanaýı medısınanyń barlyq baǵyttary boıynsha konsýltasııa beredi. EDO hırýrgııalyq jáne terapııalyq mamandyqtar boıynsha joǵary deńgeıdegi zerthanalyq, aspaptyq jáne klınıkalyq dıagnostıkany, naýqastardyń keshendi emi men tıimdi medısınalyq ońaltýyn qamtıtyn aqyly stasıonarlyq qyzmetter kórsetedi. EDO janynda 14 emdeý-dıagnostıkalyq bólimshe: ońaltý, stomatologııa, fýnksıonaldyq dıagnostıka, sáýlelik dıagnostıka, klınıkalyq-dıagnostıkalyq zerthana, stasıonar, bir aýysymda 24 baǵdar boıynsha 200 qabyldaýdy júzege asyratyn emhana jumys isteıdi. Basqa emdeý mekemelerimen salystyrǵanda Ortalyqtyń aıryqsha ereksheligi – bir jerde ambýlatorııalyq-emhanalyq kómek kórsetýden bastap, terapııa jáne hırýrgııa bólimsheleri naýqastarynyń kópbaǵdarly stasıonarlyq em qabyldaýyna deıin medısınalyq járdemniń tolyq keshenin usyný múmkindigi, onyń ishinde joǵary tehnologııalyq dıagnostıka men kópbaǵdarly emdik sharalar. Sondaı-aq, pasıentter kezekshiliginiń joqtyǵy men usynylatyn medısınalyq qyzmetterdiń (1400 túri) keń spektri asa mańyzdy faktorlardyń biri bolyp tabylady. Ústindegi aq halatynyń túsi men aqjarma peıili qatar úndesken Rahat О́serbaıqyzynyń aınalasyna shýaq shasha qaraıtyn meıirimdi kózderi men qarapaıymdylyǵy aksııaǵa kelýshilerdiń erekshe yqylasyn týǵyzdy. Adamǵa eń basty qajettisi – jyly sóz, jarqyn júz, shynaıy is, t.b. osynyń bári sol aýrýhana qyzmetkerleriniń boıynan tabylǵandaı kórindi. Árqaısysynyń júzinen: «Bizge kelińizder, bizden surańyzdar, kóńilderińizden shyǵýǵa tyrysamyz!» degendeı, aıryqsha iltıpat bildiredi. Bir qyzyǵy, is-shara barysynda bir top dáriger-medbıkeler adamdardy salamatty ómir saltyna úndeıtin flesh-mob ótkizdi. Aksııa barysynda kelýshilerge bilikti mamandar tarapynan tegin kómek kórsetildi jáne aqyl-keńester berildi. Tańerteńmen tegin qyzmet kórsetiletindigin estigen úlken-kishisi, jasy men jasamysy bar qabyldaýǵa kelgen «baqytty astanalyqtardyń» qarasy qoıýlanyp úlgeripti. Iá, mundaı múmkindiktiń bola bermeıtinin túsingen árbir azamat birinshi baılyq – densaýlyqtyń qadirin joǵary baǵalaıtyndardyń qatarynan bolsa kerek. Aksııanyń negizgi maqsaty da sol, azamattarǵa der kezinde dárigerlik kómek kórsetý, qaýipti derttiń aldyn alý jáne halyqty salamatty ómir saltyn ustanýǵa shaqyrý, olarǵa durys baǵyt-baǵdar berý. Raýshan TÁÝIRHANQYZY, jýrnalıst. ASTANA.
Sýret: mcudprk.kz
