Qazirgi ýaqytta eldegi jańǵyrmaly energııa kózderiniń (JEK) úlesi 5,8 paıyz bolsa, 2035 jylǵa qaraı 16 paıyzǵa deıin ulǵaıýǵa tıis. JEK nysandaryn óndiriske engizý Memleket basshysy alǵa qoıǵan energetıkalyq mashına jasaýda el ishilik qundylyqty damytý, eksporttyq áleýetti kúsheıtý, sondaı-aq 2060 jylǵa qaraı kómirtegi beıtaraptyǵyna qoljetkizý mindetterine jaýap beredi. Balamaly energetıkany damytý men kún panelderine ósip kele jatqan suranysty qanaǵattandyrý maqsatynda qolǵa alynǵan joba tikeleı ekonomıkalyq paıda ákelip qana qoımaı, qalanyń ekologııalyq jaǵdaıyn turaqtandyrýǵa zor úles qosady. JEK salasyndaǵy óndiristik qýattylyqty arttyrý respýblıkamyzdyń jasyl tehnologııa naryǵyndaǵy pozısııasynyń nyǵaıýyna yqpal etedi.
Quny 2,9 mlrd teńgeni quraıtyn ónerkásip nysany 150 MVt jyldyq qýatqa sáıkestendirilip otyr. Kásiporyn modýlderdi qurastyrý boıynsha avtomatty jeliler men dánekerleý mashınalarynan, lazerlik plazmalyq keskishterden turatyn zamanaýı jabdyqtarmen jaraqtandyrylady. 1 kún modýliniń qýaty 585 Vt-tan bastalsa, josparlanǵan ónim kólemi jylyna 250 myń modýlge jetkizilmek. Aýmaǵy 2 gektardan asatyn zaýytta jergilikti mamandar úshin 100-den astam jańa jumys orny ashylady. Jumysshy jáne ınjenerlik-tehnıkalyq quram sheteldik mamandardan tehnologııa úderisin úırenip, qajetti daǵdylardy meńgeredi.
«TGS-Solar» brendimen «Altyn Grýpp» JShS otandyq ınvestory iske qosatyn zaýyttyń kapsýlasyn salý rásimine «Kazakh Invest» ulttyq kompanııasynyń óńirlik dırektory Oljas Ahmetbekov, sondaı-aq Almaty qalasy Kásipkerlik basqarmasynyń, «Almaty Finance», «Almaty Business Development Company», ǵylymı jáne bilim berý uıymdarynyń ókilderi qatysty. «Altyn Grýpp» quryltaıshysy Jomart Momynbaev quttyqtaý sóz sóılep, jobany iske asyrýǵa kórsetken kómegi úshin Úkimetke alǵysyn bildirdi. Qatysýshylar kún modýlderin óndirý úderisimen jáne satýdyń josparlanǵan kólemimen tanysty.
Nysan qurylysyn jyl sońyna deıin aıaqtaý kózdelgen. «Jasyl energetıka óz elimizben qatar ortaq óńirdiń ekojúıesine de oń áser etedi. О́nimderimiz ónerkásiptik kún elektr stansalarynyń, sharýa qojalyqtarynyń jáne jeke sektordyń suranysyn qanaǵattandyratynyna senimdimiz», deıdi kompanııalar tobynyń seriktesi Qanat Ábenov.
