Foto: massaget.kz
Ekonomıkalyq ósimdi qamtamasyz etý jónindegi birinshi kezektegi is-qımyl jospary boıynsha josparlanǵan ósim ótken jylǵy kórsetkishterge qaraǵanda 11,6%-dy quraýy tıis.
«Bıylǵy 6 aıda aýyl sharýashylyǵy jalpy óniminiń kólemi 3,4%-ǵa artyp, 1,6 trln teńgeni qurady. Bul rette mal sharýashylyǵynyń jalpy óniminiń naqty kólemi 103,5%-dy, ósimdik sharýashylyǵynda — 103%-dy kórsetti. 11,6% deńgeıinde josparlanǵan kórsetkishke qol jetkizý egin jınaý jumystary aıaqtalǵannan keıin ekinshi jartyjyldyqta qamtamasyz etiledi», dedi A.Saparov.
Egis alqaptaryn ártaraptandyrý sheńberinde bıdaı egý alańy 450,3 myń gektarǵa qysqartyldy, sonymen qatar maıly daqyldar alańy 608 myń gektarǵa, qant qyzylshasy – 9,4 myń gektarǵa ulǵaıtyldy. Sondaı-aq sýdy kóp qajet etetin daqyldardyń aýdany kishireıdi: kúrish 6,9 myń ga, maqta 16 myń ga. Osy jyldyń jalpy egis alqaby 23,8 mln ga qurady.
«Memleket basshysynyń tapsyrmasyna sáıkes respýblıka boıynsha bıylǵa arnalǵan egis alqaptaryn ártaraptandyrý josparlaryna qol jetkizildi», dedi mınıstr.
