Aımaqtar • 23 Shilde, 2024

Bútin aýyldy ashtyqtan aman alyp qalǵan jumbaq toǵan

290 ret

kórsetildi

1 mın

oqý úshin

Shyǵys Qazaqstan oblysy Tarbaǵataı aýdany Jańatalap aýylynyń aýmaǵynda erekshe toǵan bar. Tústikbaı atalatyn toǵandy aty berilgen usta bas bolyp salǵan. Sýy órge qaraı aǵatyn toǵannyń ózgesheligi jalǵyz bul emes, ol 30-jyldardaǵy ashtyq tusynda búkil aýyldy aman alyp qalǵan desedi, dep habarlaıdy Egemen.kz.

Dana MYRZAQADIR

Bútin aýyldy ashtyqtan aman alyp qalǵan jumbaq toǵan

Foto: Mereı Qaınaruly

Qazirgideı tehnologııa túren salyp turǵan ýaqyttyń ózinde órge qaraı sý jiberý - kúrdeli is. Osyndaı mashaqattyń túıinin Tústikbaı qart ótken ǵasyrda-aq tarqatqan. Fızıka zańdylyǵyn aınalyp ótken toǵan tarıhyn aýyl turǵyny Zańǵar Kárimhan aıtyp berdi.

«1931-1932 jyldary ózenniń jaıdaq jeri Jyrǵaly qystaǵynyń ór jaǵynan bastap, qolmen toǵan qazyp, Kıtińqara taýynyń baýyrymen júrgizip otyryp, Talpyndaǵy egindikke sý shyǵarǵan. Ol kezde tehnıka kúshi joq, qalaı salǵany jumbaq. Tústikbaı atanyń basshylyǵymen yldı jerlerge kesek tasty qalap otyryp, sý jyryp ketpeıtindeı etip arna jasaǵan. Arnanyń sý júretin deńgeıin synap qoıyp, ólshep otyrǵan eken. Sol toǵan kúni búginge deıin «Tústikbaı toǵany» dep atalady», dedi aýyl turǵyny.

Toǵannyń uzyndyǵy - 12 shaqyrym. 30-jyldary 80 gektar jerge egin egip, adamdardy ashtyqtan aman alyp qalǵan bul toǵannyń mańy kıeli kórinedi.

О́ńirdegi tilshimiz Mereı Qaınaruly Jańatalap aýylyna jasaǵan sapary barysynda bilgen erekshe toǵan týraly tolyq «Tústikbaı toǵany» maqalasynan oqı alasyzdar.