- Dárigerlerdiń búkil kúsh-jigerine qaramastan Qaraǵandy ferroqorytpa zaýytynyń taǵy bir qyzmetkerinen aıyryldyq. 1999 jyly týǵan naýqastyń denesin 90% kúıik shalǵan. Osy ýaqytqa deıin ol óte aýyr jaǵdaıda jansaqtaý bóliminde jatqan. Marqumnyń jaqyn týystaryna qaıǵyra kóńil aıtamyz, – dep jazdy oblystyń Densaýlyq saqtaý basqarmasynyń baspasóz qyzmeti.
25 jastaǵy Qazken Erulan Qaıyrbekuly ferroqorytpa zaýytynda tehnolog bolyp jumys istegen.
Esterińizge sala keteıik, 20 shildede Qaraǵandyda ferroqorytpa zaýytynyń peshinde kenetten jalyn shyqty. TJ saldarynan kásiporynnyń segiz qyzmetkeri zardap shekti.
Olar professor Maqajanov atyndaǵy kópsalaly aýrýhanaǵa jetkizilgen.
Kompanııa qaza tapqan qyzmetkerdiń otbasyna on jyldyq jalaqysy tólenetinin habarlady.
