Kollajdy jasaǵan – Amangeldi Qııas, «EQ»
Máselen, olımpıadanyń 23 dúrkin chempıony Maıkl Felps birneshe ret psıhıkalyq daǵdarysqa túsken. Tipti kúızelisten qutylý úshin kúmándi kúsheıtkishterdi de paıdalanǵan. Bul týraly amerıkalyq sportshy BAQ ókilderine jaqynda ǵana málimdedi. Tomaǵa-tuıyq Maıkl ómirlik qıyndyqtary týraly aıtýdy múlde unatpaǵan. Sol sebepti 19 jasynan bastap depressııaǵa jyl saıyn túsip otyrǵan. Derti erekshe meńdep ketetin mezgil – qazan men qarasha aılary, ıaǵnı júzý maýsymy aıaqtalǵan kez eken. Osy aılarda Felpsti 2004 jyly kólikti mas kúıinde basqarǵany úshin ustap alsa, 2008 jyly marıhýana shekkeni úshin jazaǵa tartqan.
«Altyn dopty» alǵannan keıin Ronaldınonyń da jasamaǵan jumysy joq: rep oqydy, klıpke tústi, «RS Coin» atty jeke krıptovalıýtasyn iske qosty, týǵan qalasy Brazılıada saıasatpen aınalysty, sońynda balyq sharýashylyǵyn qolǵa aldy. Aqyry ony úkimet zańsyz dep taýyp, 178 eýroǵa aıyppul saldy. Sonyń kesirinen fýtbolshy maskúnemdik pen nashaqorlyqqa boı urǵan.
Sportshylardyń ózin joǵaltyp alýynyń taǵy bir sebebi – oqysta alǵan jaraqaty. Aldaǵy búkil mansabyna núkte qoıylǵannan keıin ómirden túk maǵyna kórmeı ketedi.
Esime myna bir áńgimeniń túsip otyrǵany. Balyq aýlap otyrǵan shalǵa bireý kelip «altyn balyq ustasań, ne suraısyń?» dep qoıyp qalypty.
– Aqsha suraımyn.
– Ony qaıtesiń?
– Toıyp tamaq ishemin.
– Odan keıin she?
– Jaqsylap kıim kıemin.
– Odan keıin she?
– Záýlim saraı turǵyzamyn.
– Odan keıin she?
– Úıdiń janyndaǵy ózennen balyq aýlap jatamyn.
Keı kezde altynǵa umtylǵan sportshylardyń, tek qana olardyń emes, bılikke, baılyqqa talasqan barlyq adamnyń ómirlik ustanymy joǵarydaǵy balyqshynyń áńgimesine qatty uqsap ketedi.
Odan keıin ne isteısiń? Ony eshkim bilmeıdi. Bálkim, jaýaby ókindiretin suraqty qoımaı-aq qoıýdy durys sanaıtyn shyǵar. Kim bilsin?
Biraq mynany túsinetin ýaqyt jetti. О́mirde eshkim absolıýtti jeńimpaz bolmaıdy. Baqyt qusy baıansyz aǵashqa uıa salmaıdy. Dál qazirgi sátti sezinińiz. Sizdiń enshińizde sol ǵana bar.
