«Comic Con Astana»: Kreatıvti oılar kerýeni

Atap aıtsaq, «Doktor Strenj», «Kazıno Roıal» fılm­derinde basty róldi somdaǵan Mads Mıkkelsen qatysyp otyr. Odan bólek, Chak Revıý (Danııl Lazarenkov) jáne Anastasız (Anastasııa Býrchýladze) beıne­blogerleri, dýblıaj akterleri Vse­volod Kýznesov, Petr Glans, Islam Gandjaev, Egor Vasılev bar.

Festıval baǵdarlamasynda kezdesýler men avtograf sessııalary, arnaıy kórsetilimder men tusaýkeserler, kospleı-shoý, komıks alleıasy, mýzykalyq oryndaýshylar men bı toptarynyń qoıylymdary josparlanǵan. Erekshe formattaǵy joba krea­tıvti ıdeıalarǵa toly. Álemdik stýdııalar festıval alańynda ózderiniń ınteraktıvti jáne oıyn-saýyq stendterin usynady. Festıval shoý-baǵdarlamasynyń dástúrli elementi – Eýropanyń tanymal qazylar alqasynyń músheleri jáne júlde qory 12 000 000 teńgeni quraıtyn halyqaralyq kospleı baıqaýy bolmaq.

Uıymdastyrýshylardyń aı­týynsha, festıval aıasynda eli­mizge 5 myńǵa jýyq týrıst keledi dep josparlanǵan.

«Atalǵan festıval elordada alǵash ret 2019 jyly ótken edi. Odan keıin 2023 jyly jáne bıyl úshinshi ret uıymdastyrylyp otyr. Erekshe jobanyń maqsaty – Astanany álemge tanytyp, týrızm salasyn damytý. Byltyr 50 myńnan astam adamdy qabyldaǵan edik. Búgin 45 myńnan astam bılet satyldy. Jeti jasqa deıingi balalar tegin kiredi, osylaısha shamamen 100 myńǵa jýyq adam bolady dep josparlap otyrmyz. Mundaı festıval álemde aýqymdy túrde óte bermeıdi. Sondyqtan alys-jaqyn shetelderden de 3-5 myń qonaq keldi. Árıne, shekaralas jaqyn elderden kóbirek keledi. Festıval negizinen demeýshiler esebinen júrgiziledi», deıdi As­tana qalasy ınvestısııalar jáne kásipkerlikti damytý basqarmasy basshysynyń orynbasary Maqsat Jańabaı.

Mádenı jobanyń basty júl­desine qatysýǵa 14 eldiń kos­pleıshileri ótinish bildirgen. Máselen, Qazaqstan, Qyrǵyzstan, О́zbekstan, Ázerbaıjan, Belarýs, Reseı, BAÁ, Qytaı, Gúrjistan, Chernogorııa, Ulybrıtanııa, Armenııa, Kıpr jáne Taıland. Kospleı baıqaýynda qazylar alqasy quramynda Danııadan kelgen kospleıshi jáne kostıým sheberi Trine, halyqaralyq chem­pıonattardyń birneshe dúrkin jeńimpazy, Fransııadan kelgen kospleıshi Cinderys, sonymen qatar tájirıbesi mol kospleıshi, «Comic Con Astana» 2023 kospleı baıqaýynyń jeńimpazy Keller bar.

Joǵaryda atap ótkeni­miz­deı, festıvaldiń basty hed­laıner­leriniń biri – «Gannıbal» serıalymen, sondaı-aq «Doktor Strenj», «Kazıno Roıal», «Rogue One: A Star Wars Story», «Indiana Jones and the Dial of Destiny» fılm­derimen tanymal dat akteri Mads Mıkkelsen bolmaq. Sondaı-aq TMD elderine tanymal «Slovo pasana. Krov na asfalte» serıalynda basty rólderdiń birin somdaǵan akter Rýzıl Mınekaev konventke qatysady.

Kóptegen kórermenniń janaryn jaýlaǵan doramalar men koreı fılmderin aýdarýǵa jáne dýblıaj jasaýǵa mamandanǵan tanymal «SoftBox» stýdııasynyń negizin salýshy «Hanzada Lımon men Akonıa» esimimen tanylǵan Iýrıı jáne Arýna Kım de arnaıy keledi.

Prodıýser, sýretshi, survival horror jáne vızýal horror janryn­daǵy «Zaıchık» kompıýter oıynynyń avtory Saikono Joker, «Vedmak» jankúıerleri úshin Maul Cosplay atymen tanymal Germanııadan kelgen ataqty Geralt kospleıshisi Ben Shamnyń qaty­sýy da úlken oqıǵa bolyp otyr.

Odan bólek, «JKS Entertainment» prodıýserlik kompanııasynyń blogerleri (Homa, Alına, Adalıat, Aıda jáne Rahat), akter Ásel Saǵatova, Sanjar Mádı, Gúlnar Silbaeva jáne Dına Tasbolatova kelýshilermen suhbattasyp, qo­naqtarǵa qoltańba-sessııa ót­ki­zedi. Sondaı-aq qazaqstandyq qonaqtardyń arasynda rejısser Aısultan Seıitov bar.

Shyǵarmashylyq doda barysynda «Prıgovor» fılm avtor­larynyń jańa «Jurek» jo­basynyń tusaýkeseri jospar­lanǵan. Tany­mal 3D Cinematic ártis jáne kontent-kreator Feoktıst Alek­seev (Design by FEO) óziniń jańa «Bulletproof» anımasııalyq mýlt­serıalyn usynady. Sondaı-aq «Sálem Entertainment» medıa-kompanııasy alǵash ret «Offside», «4 gradýs», «QARGA 2», «Tyrna», «Nıanıa 2», «Patrýl 7» sııaqty aldaǵy bir­neshe jobasyn jáne «SÁKE», «Pa­trýl» tolyqmetrajdy fılm­­­­de­rin kórsetpek.

Baǵdarlama aıasynda gık-jár­meńke, tanymal avtorlardyń dáristeri, ústel oıyndary, kıbersport qondyrǵylary usy­nylady. Dástúrli túrde talantty sýretshiler, kitap jáne komıks avtorlary, ıllıýs­tra­torlar jáne kreatıv ındýs­trııanyń basqa da birqatar ókil­deri jumystarynyń kórmesi – Avtorlar alleıasy ótedi. Kórmede anıme, komıkster, kitaptar, qolóner buıymdary nemese erekshe taýarlar satyp alýǵa bolady. Avtorlar alleıa­­­­synyń jumysyna 100-den astam avtor qatysady. Álem­­niń túkpir-túkpirinen shyǵarma­shyl jastardyń, daryndy ta­lanttardyń basyn qosqan krea­tıvti joba el mádenıetiniń damýy­na yqpal eteri sózsiz. Dástúrli doda 28 shildege deıin jalǵasady.