Foto: gov.kz
Funny sport jobasy sheńberinde «Sý álemi» atty is-shara uıymdastyrdy. Jıyn sońynda jastar men jasóspirimder «Taza Qazaqstan. Astana – tazalyq pen tártiptiń úlgisi» atty aýqymdy ekoaksııany qoldap, Ortalyq saıabaq aýmaǵyn qoqystan tazartty.
Is-sharaǵa jalpy 600-den astam qatysýshy jınalyp, 150-200-deı sý shashatyn oıynshyq tegin úlestirildi.
«Adamdardyń barlyǵy sportpen aınalysýdyń qajettiligin sezinedi. Alaıda erik-jiger, tártip jetise bermeıdi. Búgingi sharada sporttyń qoljetimdi, ońaı, qyzyqty ekenin kórsetkimiz keldi. Sý shashý oıyny arqyly ár qatysýshy qozǵalysta bolyp, ýaqyttyń qalaı ótkenin sezbeı de qalady. Onyń ústine sharamyzǵa rolık tebýden jastar arasynda áleýmettik jelide óte tanymal Dıas Abdrahmanovty da arnaıy shaqyrdyq. Onyń kelýi de turǵyndarǵa qosymsha motıvasııa boldy», dedi shara uıymdastyrýshysy Jámıla Fedosova.
Elordalyq Dene shynyqtyrý jáne sport basqarmasynyń bastamasymen «Funny sport» sporttyq jáne oıyn-saýyq is-sharalarynyń marafony 20 shilde – 25 tamyz kúnderi aralyǵynda bastalǵan eken, álbette, basty maqsat – turǵyndardy salaýatty ómir saltyn ustanýǵa shaqyrý.
Atalǵan joba tamyz aıynyń sońyna deıin ár aptanyń senbi jáne jeksenbi kúnderi ótedi.
