Foto: sports.kz
57 keli salmaqtaǵy Mahmud Sabyrhan alǵashqy aınalymda Ispanııanyń bylǵary qolǵap sheberi Hose Kıles Brotonstan jeńilip, jarys jolynan shyǵyp qalǵan bolatyn.
«Utylǵanymdy moıyndaý kerek. Biraq 1-raýndta ıspanııalyq sportshyǵa 5:0 upaı berip jiberdi. Birinshi raýnd bárin qurtyp jiberdi negizi. Birinshi raýndta ózim jeńgendeı boldym. Shynymdy aıtsam, 1-raýndty alyp turǵan edim. Ekinshi raýndta da aldym ba desem, ony da berip jiberdi. Úshinshi raýndta esh nárse sheshpeıtinimdi bildim. Osymen Olımpıadany aıaqtadyq. Bar kúshimdi saldym», deıdi boksshy.
Aıta keteıik, Mahmud Sabyrhan – bes dúrkin el chempıony, jastar jáne jasóspirimder arasyndaǵy Azııa chempıonatynyń jeńimpazy jáne Jastar arasyndaǵy álem birinshiliginiń qola júldegeri. Eresekter arasyndaǵy Azııa chempıonatynda, 2021 jyly álem birinshiliginde de kúmis júldeni mise tutqan bolatyn. 2023 jyly Tashkentte ótken álem birinshiliginde 54 keli salmaqta álem chempıony atandy.
