Foto: Almaty.tv
Beıresmı derekter boıynsha Qazaqstanda 1500-den astam omartashy bar. Olardyń 320-ǵa jýyǵy ǵana seleksııalyq-asyl tuqymdy jumystar júrgizedi, ıaǵnı «Apislab» qosymshasyna tirkelgen.
Almaty.tv-diń habarlaýynsha qaǵazǵa jazyp, esep júrgizý alynyp tastalmaǵan. Atalǵan qosymsha – saladaǵy aqparatty sıfrlandyrýdy kózdeıdi. «Apislab» júıesiniń negizgi maqsaty – irikteý júrgizý arqyly aranyń asyl tuqymdy túrin saqtap qalý.
«Aranyń qanatyn skanerlep, baǵdarlamaǵa júkteımiz. Ár qanatynyń buryshyndaǵy reti boıynsha núkte qoıyp shyǵamyz. Ol avtomatty túrde baǵdarlamada eseptelip, nátıje shyǵady. Iаǵnı aranyń tuqymy týraly aqparat beredi», dedi Qazaq mal sharýashylyǵy jáne jemshóp óndirisi ǵylymı-zertteý ınstıtýty Ara sharýashylyǵy bóliminiń mamany Gúlim Halyqova.
Qosymshanyń sharapatyn kórip otyrǵan sharýashylyqtar da bar. Olardyń aıtýlarynsha burynǵydaı qaǵazǵa jazyp qınalmaı, telefon arqyly barlyq aqparatty bilip otyrýǵa bolady.
