1,5 mln kórermen keldi

Teatrlar jyl saıyn kórermenge aýqymdy baǵdarlama usynady. Onyń ishinde tek halyq yqylasyna bólengen týyndylar ǵana emes, jańa qoıylymdar da bar. Máselen, jyl basynan beri 170 premera sahnalanǵan.

Ǵ.Músirepov atyndaǵy Qazaq mem­lekettik akademııalyq balalar men jas­óspirimder teatry men M.Ler­montov atyndaǵy Ulttyq orys drama teatryna osy jyldyń birinshi jartysynda 70 myńnan astam kórermen kelgen. Al Muhtar Áýezov atyndaǵy Qazaq ulttyq drama teatrynyń kelgen kórermen sany – 64 291.

Jarty jyl ishinde Abaı atyndaǵy Qazaq ulttyq opera jáne balet teatry 50 myńnan astam kórermen jınady. Aıta keteıik, atalǵan teatr 90-mereıtoılyq maýsymyn H.Levenshold­tyń «Sıl­fıd» romantıkalyq baletiniń jańa qoıy­lymymen aıaqtady.

Odan bólek, bıyl Aqmola oblystyq orys drama teatry eń kóp premera qoıyp, kórermen nazaryna 10 jańa spektakl usynǵan.

Jarty jyl ishinde teatr ártisteri 218 gastroldik saparǵa shyqsa, onyń 201-i el ishinde, 17-si shet memleketter­de boldy. Memlekettik teatrlar ujym­dary Koreıa, Túrkııa, Fransııa, Reseı, Qyrǵyzstan, О́zbekstan sııaqty elderdiń sahnasynda óner kórsetip úlgerdi.