Prezıdent • 01 Tamyz, 2024

Prezıdent Tamara Dúısenovany qabyldady

142 ret

kórsetildi

1 mın

oqý úshin

Memleket basshysyna áleýmettik salany qarjylandyrýdyń jańa ádisteri tanystyryldy. Atalǵan tásilder bólingen qarjynyń shyn muqtaj jandarǵa jetýin, memlekettik qoldaý sharalarynyń ashyqtyǵyn, sondaı-aq bıýdjet qarajatynyń tıimdi jumsalýyn qamtamasyz etýge baǵyttalǵan, dep jazady Egemen.kz.

Dana MYRZAQADIR

Foto: Aqorda

Tamara Dúısenova áleýmettik salaǵa 14,5 trıllıon teńge bólingenin jetkizdi. Bul jalpy memlekettik bıýdjettiń 60 paıyzyn quraıdy.

Prezıdentke Otbasynyń sıfrlyq kartasy arqyly kórsetiletin qyzmetter azamattardyń áleýmettik sanatyna qaraı derbes usynylatyny týraly baıandaldy.

Premer-mınıstrdiń orynbasary búginde áleýmettik salany sıfrlandyrýdyń deńgeıi qyzmet alýshylardy jáne olarǵa kórsetilgen qyzmet kólemin anyqtap qana qoımaı, memlekettik qoldaý sharalarynyń qurylymyna túzetý engizýge múmkindik beretinin aıtty. Aýyr turmystyq jaǵdaıdaǵy otbasylarǵa arnalǵan utymdy ári tıimdi kómek sharalary ázirlenedi.

Qasym-Jomart Toqaevqa bilim berý, medısınalyq kómek sapasyn arttyrý jáne áleýmettik nysandar qurylysy men aýyl turǵyndaryn qoldaý boıynsha Úkimet tarapynan qolǵa alynǵan jobalar jaıynda málimet berildi.

Memleket basshysy qabyldanǵan sharalardyń mańyzyn atap ótip, atalǵan usynystardy qoldady. Sondaı-aq buǵan deıin bastalǵan jumystardy júıeli túrde jalǵastyrýdy tapsyrdy.