Foto: gov.kz
Júlde qory 24 900 000 teńgeni quraıtyn jarys qunan báıge, top báıge, alaman báıge men jorǵa jarys sııaqty 4 túr boıynsha ótedi.
«Qazir báıgeden Qazaqstan komandasyn jasaqtaý prosesi júrip jatyr. 3 jáne 11 tamyzda Pavlodar men Almaty qalalarynda irikteý ótedi. Solardyń nátıjesi boıynsha 5-shi Dúnıejúzilik kóshpeliler oıyndarynyń báıge jarysyna Qazaqstannan qatysatyn jylqylar anyqtalady. Astanadaǵy kóshpeliler oıyndarynyń báıge jarysyna shamamen 10 eldiń ókili qatysady dep kútilip otyr. Olardyń qatarynda Mońǵolııa, Qyrǵyzstan, О́zbekstan, Tájikstan, Ázerbaıjan, Reseı Federasııasy men basqalar bar», dedi «Báıge federasııasy» RQB vıse-prezıdenti Jomart Saıbolatov.
Eske salsaq, respýblıkalyq báıge federasııasy Ulttyq sport qaýymdastyǵynyń quramyna kiredi. Sonymen qatar qaýymdastyq quramynda kókpar, aýdaryspaq, sadaq atý, jamby atý, teńge ilý, qusbegilik, asyq atý, «JORYQ» jáne taǵy basqa federasııalar bar. Qaýymdastyqty tanymal kásipker, mesenat, Altyn Qyran Foundation qoǵamdyq qory qamqorshylyq keńesiniń tóraǵasy Islambek Saljanov basqarady.
