Fýtbol. Búgin Almatyda Qazaqstan quramasy Túrkııany qabyldaıdy

ASTANA. 12 maýsym. Búgin fýtboldan 2016 jylǵy Eýropa chempıonatyna irikteý týrnıri aıasynda Qazaqstan quramasy Túrkııamen kezdesedi. Almatydaǵy «Ortalyq» stadıonda ótetin match jergilikti ýaqytpen saǵat 22:00-de bastalady. Bul týraly egemen.kz habarlady. Qazaqstan fýtbol fedederasııasy taratqan málimetke súıensek, ulttyq quramanyń bas jattyqtyrýshysy Iýrıı Krasnojan 26 fýtbolshyny tizimge qosqan. Alaıda, jaraqatyna baılanysty bul oıynǵa Tańat Nóserbaev qatysa almaıdy. Esesine, Germanııanyń ekinshi býndes lıgasynda dop tebetin Genrıh Shmıdtgal sapqa qosyldy. Al Túrkııanyń bas jattyqtyrýshysy Fatıh Terem Almatyǵa saıdyń tasyndaı iriktelgen fýtbolshylardy alyp keldi. Sebebi, týrnırdiń fınaldyq kezeńine shyǵý úshin túrikterge bul matchta jeńis aýadaı qajet. Aıta keteıik, osyǵan deıin ótken 5 týr qorytyndysy boıynsha Qazaqstan jalǵyz upaımen kósh sońynda keledi. Al 5 upaıy bar túrikter 4-satyǵa jaıǵasqan. Top basynda 13 upaımen Chehııa tur. Uıymdastyrýshylardyń aıtýynsha, ázirge 17 myń bılet satylǵan. Bul oıyndy «Qazaqstan» ulttyq telearnasy tikeleı efırde kórsetedi dep josparlanýda. Elaman Qońyr. Derek: egemen.kz. Sýret: kff.kz.