Oqý-jattyǵý qorytyndysy

8-17 shilde aralyǵynda Ázer­baıjan, Qyrǵyzstan, Tájik­stan jáne О́zbekstan áskerı kon­tın­gentteri birlesken opera­sııa júrgizdi. Áskerı manevr­ler «Oımasha» oqý polıgonynda, Qara­qııa aýdanynyń Toqmaq múıisi men Kaspıı teńiziniń qazaqstandyq akvatorııasynda ótti. Oqý-jatty­ǵý­ǵa 4000 adam qa­tysyp, 700-ge jýyq qarý-jaraq pen áskerı tehnıka jumyl­dy­ryldy.

Qazaqstan Áskerı-teńiz kúsh­teriniń bólimsheleri jergilikti jer men qarsylasty barlaý, júk­ter men jeke quramdy tasy­mal­daý, teńiz desantyn túsirý, dush­pannyń kózin joıý jáne dıversııaǵa qarsy is-sharalar ót­kizý sııaqty oqý-jaýyngerlik tapsyrmalardy oryndady.

Oqý-jattyǵý qorytyndy­lary pysyqtalǵan jıynda Áskerı-teńiz kúshteri bas qolbasshy­sy­­nyń jaýyngerlik daıyndyq jó­nin­degi orynbasary, I dáreje­li kapıtan Danııar Haırýshev tak­tıkalyq is-qımyldar men atys ná­tıjelerine taldaý jasady. Al Bas qolbasshynyń tár­bıe jáne ıdeologııalyq ju­mystar jónin­degi orynba­sary, polkovnık Juma­bek Hase­nov manevrlerdi ótkizý keze­ńin­degi joǵary asqaq rýhty, uıym­shyldyqqa negizdelgen óz­ara kómek pen jaýyngerlik jol­dastyqty erekshe atap ótti. Ol tap­syrmany oryndaý barysynda erekshe ynta-jiger kórsetken, oqý-jattyǵý kezinde joǵary nátı­jelerge qol jetkizýge um­tylǵan áskerı qyzmetshilerge alǵy­syn bildirdi.

– Jattyǵý bekitilgen jos­par­ǵa sáıkes júrgizildi. Kózde­gen mejege qol jetkizip, qoıyl­ǵan min­detter joǵary sapaly deńgeıde oryndaldy. Áskerı-teńiz kúsh­teri bólimsheleri­niń komandırleri tapsyrmalar­dy oryndaýdy uıymdastyrýda, bólimshelerdi úz­diksiz jáne tu­raqty basqarýda, tynymsyz ózara is-qımyldy úı­lestirýde jáne qol­daýda jaqsy tá­jirıbege ıe bol­dy. Oqý-jattyǵý nátıjeleri boıynsha ár komandır qandaı baǵytta jumys isteý ke­rektigin jáne negizgi kúsh-jigerdi ne nár­sege jumsaý qajettigin tú­sin­genine senimdimin. «Birlestik – 2024» komandalyq-shtabtyq oqý-jattyǵýynyń nátıjeleri bo­ıyn­sha tujyrymdar Áskerı-teńiz kúsh­teri jeke quramy­nyń jaýynger­­lik oqýyn odan ári josparlaý jáne jetildirý úshin eskeriledi, – dedi general-maıor Serik Borambaev.

Jınalys barysynda bar­lyq bó­limshege jáne árbir áskerı qyz­metshiniń jumysy­na baǵa berilip, 21 áskerı qyzmet­shi gramotalarmen marapattaldy. Joǵary nátı­je kórsetken merzimdi qyzmet mat­rostary Álisher Kenjeǵalıev pen Dıas Medetov Áskerı-teńiz kúsh­teri bas qolbasshysynyń qolynan ataýly saǵat aldy.