Aqtaýda sheneýnik tutqyndaldy

AQTAÝ. 12 maýsym. Aqtaýda qalalyq turǵyn úı kommýnaldyq sharýashylyǵy bólim bastyǵy, sońǵy ýaqytta qala ákiminiń orynbasary mindetin ýaqytsha atqarǵan Saǵynǵalı Amangeldıev qamaýǵa alyndy. Bul týraly egemen.kz tilshisi habarlady. Ýaqytsha oqshaýlaý abaqtysynda otyrǵan sheneýnikke qatysty eki qylmystyq is qozǵalǵan bolsa, onyń bireýi – para alý aıyby boıynsha. «Memlekettik qyzmet isteri jáne sybaılas jemqorlyqqa qarsy is-qımyl agenttiginiń Mańǵystaý oblysy boıynsha departamenti, 2015 jyldyń 8 maýsymynda Aqtaý qalasy ákiminiń orynbasary mindetin atqarýshy, Aqtaý qalalyq turǵyn úı kommýnaldyq sharýashylyǵy jáne turǵyn úı ınspeksııasy bóliminiń basshysy 1969 jyly týǵan Amangeldıev Saǵynǵalı Qalmuhanulynyń tutqyndalǵandyǵyn jáne oǵan qatysty laýazymdyq ókilettikterdi teris paıdalaný faktisi boıynsha sotqa deıingi tergeý amaldarynyń júrgizilip jatqandyǵyn rastaıdy. Tergeý amaldary júrgizilýi sebepti budan basqa aqparat jarııa etilmeıdi», – deıdi Mańǵystaý oblystyq sybaılas jemqorlyqqa qarsy is-qımyl departamentiniń bólim basshysy Erbol Jumabaı. Gúlaıym Shyntemirqyzy. Derek: egemen.kz. Sýret: today.kz.