Foto: Almaty sottary
Buǵan deıin birinshi satydaǵy sot M.-ny asa iri mólsherde psıhotroptyq zatty zańsyz alý, saqtaý jáne tasymaldaý, sondaı-aq 52 epızod boıynsha jeńgeıtaılyqpen aınalysý boıynsha kináli dep tanyp, 6,5 jylǵa bas bostandyǵynan aıyrý jazasyn taǵaıyndaǵan.
Al T. 12 epızod boıynsha jeńgetaılyqqa kómektesti dep tanylyp, ony 3 jyl 8 aıǵa bas bostandyǵynan aıyrdy.
Sottalýshylar úkimge apellıasııalyq shaǵym bergen.
Apellıasııa, qylmystyq isti zertteı otyryp, sottalǵandarǵa qatysty aıyptaýlar tolyq dáleldengenin rastady.
2023 jyldyń mamyr aıynda M., asa iri mólsherde «mefedron» psıhotroptyq zatyn zańsyz satyp alyp, tasymaldaǵan. Ustaý kezinde polısııa qyzmetkerleri sottalýshynyń sómkesinen psıhotroptyq zatty tárkilegen.
2020-2023 jyldar aralyǵynda M., T.-men birge jengetaılyq uıymdastyryp, qyzdardy ıntımdik qyzmet kórsetý úshin paıdalanǵan. M. osy qyzmetterden jeke ózine nemese óz kómekshisi T. arqyly paıyz alyp otyrǵan.
Sottalýshylardyń kinási kýálardyń aıǵaqtarymen, saraptamalyq qorytyndylarmen jáne is boıynsha basqa da materıaldarmen dáleldendi.
Apellıasııa úkimdi ózgerissiz qaldyrdy. Sot úkimi zańdy kúshine endi.
