Bul suraqqa QR ǴJBM Joǵary jáne joǵary oqý ornynan keıingi bilim komıteti tóraǵasynyń orynbasary Janna Esinbaeva jaýap berdi.
Granttar UBT nátıjeleri boıynsha konkýrstyq negizde taǵaıyndalady. «Bilim týraly» Zańǵa sáıkes birneshe kvota qarastyrylǵan.
Mysaly, talapker aýyl mektebiniń túlegi bolsa, onyń grant konkýrsyna aýyl kvotasy boıynsha qatysý quqy bar. Eger aýyldyq talapker aýyl kvotasy boıynsha grantqa ıe bola almasa, jalpy konkýrsqa qatysý múmkindigi qarastyrylady. Bul mehanızm barlyq kvotalarǵa tıesili.
Sondaı-aq bıyl alǵash ret ishinara oqý aqysy bar (50%) saralanǵan granttar engizildi. «Pedagogıkalyq ǵylymdar» jáne «Áleýmettik ǵylymdar, jýrnalıstıka jáne aqparat» baǵyttary boıynsha 150 saralanǵan granttan bólingen. Saralanǵan grant ıegerleri tolyq shákirtaqy alady.
Eske salaıyq, 104 myńnan astam talapker grant konkýrsyna qatysýǵa nıet bildirdi.
