Bul týraly Májilis depýtaty Ashat Aımaǵambetov áleýmettik jeli arqyly aqparat bólisti.
- Grantty jeńip almaǵandarǵa ne isteýge bolady? Kommentterde jáne jekeme byltyrǵy jyldaǵydaı osyndaı mazmundaǵy suraq taǵy da kóp qoıylyp jatyr. Sondyqtan qysqasha óz oıymdy qaıtalaıyn. Bastysy áli de grantty jeńip alýǵa múmkindik bar, - dep jazdy depýtat.
Birinshiden, ıgerilmegen birneshe myń grant qaıtadan úılestiriledi. Iаǵnı grant alǵan talapkerlerden keıin turǵan talapkerlerge UBT-da jınaǵan upaı sanyna sáıkes beriledi. Sony kútýge bolady.
Ekinshiden, ákimdikterdiń granttary bar. Birneshe myń grant jergilikti bıýdjetten bólinedi.
Úshinshiden, «Qazaqstan halqyna» qorynyń granttary taǵy bar.
Tórtinshiden, keıbir talapkerler túrli sebep boıynsha jeńip alǵan granttarynan bas tartady. Olardyń sany da az bolmaıdy. Ol granttar da qaıta taǵaıyndalady.
Besinshiden, tipti eshteńe bolmasa, ýnıversıtetke aqyly túrde túsip, keıin jaqsy oqyp, GPA joǵary bolsa, bilim alý kezinde bosaǵan bos grantty utyp alýǵa bolady.
Altynshy, «gap year» arqyly bir jyl daıyndalyp, qaıtadan UBT tapsyryp, grantty jeńip alýǵa bolady.
“Ol meniń óz basymnan ótken oqıǵa. Bul da jaqsy sheshim”, dep túsindirdi Májilis depýtaty.
Jetinshiden, kolledjge túsýge bolady. Kolledjde grant kóp, qajetti mamandyqtar boıynsha kolledj bitirgender naryqta tapshy. Kerek bolsa, keıin ári qaraı JOO-ǵa túsip, qysqa merzimde joǵary bilim alyp shyǵýǵa da bolady.
- Kórip otyrǵandaryńyzdaı múmkindikter óte kóp. Bári alda. Tolyq málimet alý úshin ýnıversıtetterdiń qabyldaý komıssııasyna jolyǵý kerek, - deıdi Ashat Aımaǵambetov.
Eske sala ketsek, búgin QR Ǵylym jáne joǵary bilim mınıstrligi men Ulttyq testileý ortalyǵynyń áleýmettik jelilerinde 2024-2025 oqý jylyna arnalǵan bilim granty ıegerleriniń tizimi jarııalandy.
