Foto: Qorǵanys mınıstrligi
Komanda quramynda Qazaqstan dzıýdoshysy, 2021 jylǵy álem chempıonatynyń kúmis júldegeri, 2019 jáne 2022 jyldardaǵy Azııa chempıonattarynyń qola júldegeri, Olımpıadanyń qola júldegeri Ǵusman Qyrǵyzbaev bar.
Aıta keteıik, aǵa leıtenant Ǵusman Qyrǵyzbaev - Qorǵanys mınıstrligi Ortalyq sport klýbynyń áskerı qyzmetshisi.
«Otan aldyndaǵy erekshe eńbegi, dene tárbıesi men sportty damytýǵa qosqan zor úlesi, joǵary jetistikteri jáne kásibıligi úshin Ǵusmanǵa jáne onyń egiz syńary, Ortalyq sport klýby dzıýdodan komandanyń bólimshe bastyǵy - aǵa jattyqtyrýshysy Ǵumar Qyrǵyzbaevqa Qazaqstan Respýblıkasy Qorǵanys mınıstriniń buıryǵymen kezekti «kapıtan» áskerı ataǵy merziminen buryn beriledi», dep málimdedi Qorǵanys mınıstrliginiń baspasóz qyzmeti.
Esterińizge sala keteıik, 66 kg salmaq dárejesinde synǵa túsken dzıýdoshy Ǵusman Qyrǵyzbaev Serbııadan kelgen sportshy Strahınıa Býnchıchti jeńip, qola medal jeńip alǵan edi.
