Oljas Súleımenov esimdi stýdent qytaı tilinde shyǵarma jazdy

ALMATY. 12 maýsym. «Kóp til – bir álem – 2015» baıqaýyna qatysqan Oljas Súleımenov esimdi stýdent BUU syılyǵyna ıe boldy. Bul týraly tengrinews.kz habarlady. Oljas – «Bolashaq» baǵdarlamasyna sáıkes Shanhaı qalasyndaǵy Tongjı ýnıversıtetinde dáris alady. BUU baıqaýyna qatysqan ol, shyǵarmany qytaı tilinde jazdy. Jeńimpazdy anyqtaý úsh satydan ótti. Synaq barysynda úmitkerdiń qundylyqtar ıdeıasyna qatysty kózqarasy, sondaı-aq til meńgerý sheberligi erekshe saralandy. Barlyq synnan súrinbeı, mańdaıy jarqyrap ótken Oljas Súleımenov jeńimpaz atandy. Baıqaýdyń alǵashqy satysyndaǵy synaqqa 130 elden 3500 talapker qatysqan edi. Birikken Ulttar Uıymynyń resmı tilderi bolyp sanalatyn – aǵylshyn, arab, qytaı, ıspan, orys jáne fransýz tilderinde jazylǵan 1250 shyǵarma arnaıy jasaqtalǵan komıssııanyń talqysyna tústi. Sodan atalǵan alty til boıynsha nebary 70 shyǵarma ıeleri jeńimpaz atandy. Arasynda Oljas bar. Jas qazaq stýdenti Nıý-Iorkte ótetin Dúnıejúzilik jastar forýmyna qatysýǵa joldama utyp aldy. Aıta keteıik, Birikken Ulttar Uıymynyń  Bas Assambleıasynda eń úzdik stýdent týyndysynyń tusaýkeser saltanaty ótedi. Talǵat Súıinbaı. Derek, sýret: tengrinews.kz.