О́ńdelgen alqaptardyń jalpy kólemi 3,1 mln gektardy quraǵan. Bul bıyl boljanǵan 2,5 mln gektar kórsetkishten 23%-ǵa joǵary. Boljamdy kólemniń is júzinde asyp ketýi jańadan taralý oshaǵy anyqtalǵan jerlerdi qaıta óńdeýge baılanysty oryn aldy.
Turaqty monıtorıng, drondarmen qosa tehnıkany zııankesterdiń belsendi taralý oryndaryna jedel kóshirý, ortalyq úkimettik jáne óńirlik deńgeılerdegi jaǵdaıdy qolmen basqarý jáne baqylaý, shekara mańy memleketteriniń agrarlyq vedomstvolarymen tyǵyz ózara is-qımyl óz nátıjesin berdi. Sondyqtan bıyl fermerler egistikteri shegirtkeden zardap shekken joq. Negizgi qorǵanys is-sharalarynyń aıaqtalýyna qaramastan, taǵy bir apta boıy jekelegen óńirlerde shegirtkeniń paıda bolýyn baqylaý boıynsha jumys júrgiziledi.
Úkimet shegirtkege qarsy belsendi jumys kezeńin aıaqtap, kelesi jylǵa daıyndyqty bastaıdy. Bıylǵy josparda – shegirtkeniń taralý kólemi boıynsha boljam jasaý jáne óńirlerde fıtosanıtarlyq ınspeksııalar paıdalanatyn dernásilderdiń paıda bolý oryndaryn monıtorıngteý úshin 100 dron satyp alý qarastyrylǵan. 2025 jyly alqaptardy óńdeý úshin drondar satyp alý josparlanyp jatyr.
Sondaı-aq kelesi jyly pestısıdterge, olardy tasymaldaýǵa, saqtaýǵa jáne qoldanýǵa arnalǵan shyǵyndardy qamtıtyn shegirtkege qarsy biryńǵaı qyzmetti ortalyqtandyrylǵan satyp alýǵa kóshý kózdelip otyr. Bul jerdi óńdeýdiń sapasy men tıimdiligin baqylaýǵa, oryndaýshylardyń jaýapkershiligin arttyrýǵa jáne bıznestiń satyp alýǵa qatysýyn tartymdy etýge múmkindik beredi.
