Alaıda Sársenbaı aqsaqal 2023 jyly Atyraý qalasynan bastaǵan saparyn Kavkaz elderin basyp ótip, Ystanbul qalasynda aıaqtap, aıdy aspannan bir-aq shyǵardy.
Aqsaqal óziniń basty maqsaty – «barǵan elime, júrgen jerime ultymyzdyń salt-dástúrlerin, ádet-ǵurpyn, as-sýyn, tarıhyn nasıhattaý», deıdi. Ol zamanaýı aqparat taratý quraldaryn, ıaǵnı áleýjelini jaqsy meńgerip alǵany sonshalyq, Instagram paraqshasynda @ulytaumen, YouTube, TikTok @ulytauman akkaýnttary arqyly tanymal. Bular arqyly ol óziniń saıahaty týraly áserlerimen, beıne-foto materıaldarymen bólisip, jarııalap otyrady.
Bıylǵy 2 tamyz kúni S.Qotyrashov álemdi jaıaý aralaýdyń ekinshi kezeńin bastady. О́skemen qalasynan bastaý alatyn sapar Beıjiń qalasynda márege jetedi. Barlyǵy – 3000 shaqyrym jol. Naqtyraq aıtqanda, Reseı arqyly – 650 shaqyrym, Mońǵolııa, Qytaı elderinde – 2350 shaqyrym. «Úsh myń shaqyrymdy 3 aıda júrip ótemin», deıdi aqsaqal.
«Biz aqsaqaldyń aldyna qoıǵan maqsatyna jetetinine senimdimiz. О́ıtkeni ótken jyly Qazaqstan – Reseı – Grýzııa – Túrkııa saparynda da 3000 shaqyrymdy 100 kúnge jetpeı júrip ótti. Sársenbaı Ospanuly – kishkentaıynan eńbekpen shyńdalǵan kisi. Qolynan kelmeıtini joq. Ol – metall óńdeýdiń has sheberi, qolónershi, sáýlet eskertkishteriniń restavratory. Alǵashqy saparynan bastap qazaq qolónershilerin nasıhattap keledi.
Qazaq geografııalyq qoǵamy atamyzǵa saıahatqa shyqqan saıyn qoldaý kórsetedi. Jańa saparǵa shyǵar aldynda da «QazaqGeography» qoǵamy, «Alloff brands», «Argymaq» kompanııalary, «Uly taǵzym» qoǵamdyq qorynyń ókilderi aqsaqalǵa sáttilik tiledi. Ishki týrızmdi nasıhattaýshy, saıahatshy, bloger Alııa Haırýllaqyzy saıahatshy atamyzdy qoldap, qurmettep, «Kafe Selınnıkov» meıramhanasynda arnaıy dastarqan jaıdy, ulttyq «Qyzyl Saia» (Qyzyl saıa) et ónimderimen tanystyrǵan ári usynǵan meıramhana qyzmetkeri Ásel Shúlenbaeva týrısterge arnaıy daıyndalǵan, alys saparǵa jaramdy jylqy eti qazy salynǵan vakýýmdelgen paketterin aqsaqalǵa usyndy. Sóıtip, «Ulytaumen» ataýymen tanymal Sársenbaı Qotyrashov aqsaqal jańa saparyna attandy. Ol óziniń bıylǵy saparyn VDúnıejúzilik kóshpeliler oıyndaryna arnaıtyn bolady», deıdi «Ulytaý» ulttyq tarıhı-mádenı jáne tabıǵı mýzeı-qoryǵynyń qyzmetkeri Baıan Shaıgózova.
Aqsaqaldyń armany asqaq. Ol bıylǵy saparmen shektelip qalmaq emes. Sátin salsa, 2025 jyly Bolgarııa – Serbııa – Majarstan – Aýstrııa – Germanııa – Fransııa baǵytyn, 2026 jyly AQSh jerlerin aralaýdy kózdep otyr.
