Baıqońyr aýdanynda jańa qoǵamdyq keńistik ashyldy. Ol Tolstoı men Abyraly kósheleriniń qıylysyndaǵy bos jerde ornalasqan.
Oıyn alańynan bólek munda workout-aımaq jáne fýtbol alańy jabdyqtalǵan. Oıyn kesheniniń aýmaǵynda jańa asfalt pen tartan jabyny tóseldi.
Balalarǵa arnalǵan saltanatty sharada anımatorlar men kásibı sportshylar óner kórsetti.
«Osy ýaqytqa deıin bul jerde bos jerler bolǵan. Ákimdikke habarlasqannan keıin, bir jarym aıdan soń bizge osy alań usynyldy. Aýdan ákimine jáne onyń komandasyna balalarǵa qýanysh pen kúlki syılaǵany úshin úlken alǵys aıtqym keledi», dedi jergilikti turǵyn Raýshan Isakova.
Munda balalar arasynda fýtbol baıqaýy ótkizilip, nátıjesinde qatysýshylar medaldarmen jáne fýtbol doptarymen marapattaldy. Sondaı-aq turǵyndarǵa yńǵaıly bolý úshin jaryqtandyrý júrgizildi.
Esterińizge sala keteıik, Baıqońyr aýdany boıynsha jyl sońyna deıin 117 (45 – jańa, 72 – jóndeý-qalpyna keltirý) aýla aýmaǵyn abattandyrý josparlanyp otyr, qazir olardyń 70-i tolyǵymen aıaqtaldy.
