Qasym-Jomart Toqaev Ortalyq Azııa memleketteri basshylarynyń VI Konsýltatıvtik kezdesýine qatysý úshin Astanaǵa arnaıy kelgen О́zbekstan, Qyrǵyzstan, Tájikstan jáne Ázerbaıjan prezıdentterimen birge mártebeli meımandardyń qurmetine uıymdastyrylǵan «Dostyq keshi» gala-konsertin tamashalady.
Memleketter basshylary «Astana opera» vestıbıýlinde «Shyǵarmashylyq jańǵyryǵy» kórmesimen tanysty. Kórmege tanymal qazaqstandyq sýretshilerdiń týyndylary jáne Ortalyq Azııa elderi beıneleý óneri sheberleriniń eńbekteri qoıylǵan.
Konserttik baǵdarlama aıasynda qazaq, ózbek, qyrǵyz, tájik, ázerbaıjan halyqtarynyń ánderi men bıleri oryndaldy. Sondaı-aq kórermenderdiń nazaryna ulttyq mýzykalyq aspaptar ansambliniń súıemeldeýimen «Dostyq dıvertısmenti» usynyldy.
