Áskerı jıynǵa Abaı, Pavlodar jáne Shyǵys Qazaqstan oblystarynan azamattar qatysyp, jaýyngerlik daıarlyqtaryn pysyqtady. Olar bir aı boıy áskerı mamandyqtyń qyr-syryna taǵy bir márte úńilip, oqý-jattyǵý jıynyn ótkizedi. El qorǵaýda áýe qorǵanysyna qarsy áreket etetin zenıttik dıvızıonnyń alatyn orny erekshe. Áskerı mindettiler jıynyna qatysýshylar osy zenıttik dıvızıonǵa túsip, bilimderi men áskerı sheberlikterin shyńdaıdy. Teorııalyq bilim alýmen qatar tájirıbe júzinde, ıaǵnı áskerı tehnıkany is-júzinde atý jattyǵýyn qolǵa alady.
Abaı garnızonyna qarasty 35411 áskerı bóliminiń zenıttik dıvızıony qýatty qarý-jaraq pen urys tehnıkasyna ıe áskerı qurylymdardyń biri. Osy aptada áskerı mindettilerdiń jıynyna qatysyp jatqan júzge jýyq jaýynger osy qurylym qatarynda bolyp, atý jattyǵýlaryna qatysty. Áskerı mindettiler úshin ZÝ-23-2 jáne ZSÝ-23-4 zenıttik qondyrǵylardan atý alǵashqy tájirıbe boldy. Tájirıbelik jattyǵýda taktıkalyq is-qımyldarǵa, qarýdy sheber jáne tıimdi paıdalana bilýge, buǵan qosa qaýipsizdik sharalaryn qatań saqtaýǵa basa nazar aýdaryldy.
Aıagóz qalasynan shaqyrylǵan Asyl Bolathanuly áskerı mindettilerdiń jıynyna alǵash ret qatysyp otyr. Atalǵan jıynǵa óz erkimen kelip, jaýapkershilik júgin tereń sezingen ol osyndaı sharalardyń bereri mol ekenine toqtaldy.
«Jıynnyń joǵary deńgeıde uıymdastyrylǵany baıqalyp tur. ZÝ-23-2 zenıttik qurylǵysy arqyly atyp kórdim. Zenıttik qurylǵy – áýe jáne jerdegi nysanalardyń kózin joıýǵa arnalǵan qýatty qarý. Áskerı mindet júktelgen adamdar osyndaı jıynǵa qatysa otyryp, ózderiniń biliktiligin kótereri anyq. Áskerı polıgonǵa beıbit kúnderde ǵana jınalaıyq», deıdi Asyl Bolathanuly.
Dıvızıon komandıri, podpolkovnık Tımýr Týhmetovtiń aıtýyna qaraǵanda, jattyǵý barysynda áýe shabýylyna qarsy qorǵanys bólimshesiniń zenıtshi-atqyshtary ZÝ-23-2 qondyrǵylarynan shartty qarsylastyń áýe nysanalaryn izdeý jáne ony zaqymdaý, joıý boıynsha jaýyngerlik atys mindetterin josparǵa saı oryndaǵan. Zenıttik zymyran keshenderi shaǵyn kólemdi nysandardy anyqtaý jáne olardy taný boıynsha alǵa qoıylǵan jattyǵýlardy júzege asyrǵan. Sonymen birge mańyzdy nysandardy áýe qarsylastarynyń soqqylarynan qorǵaý boıynsha birneshe jattyǵý óz máresine jetken.
ZÝ-23-2 zenıttik qondyrǵysy tómen bıiktikti áýe nysanalarymen – áýe shabýylynyń zamanaýı quraldarymen kúres júrgizýge, sonyń ishinde ushaqtarmen, tikushaqtarmen, qanatty zymyrandarmen jáne qashyqtyqtan basqarylatyn ushatyn apparattarmen urys júrgizýge qolaıly. О́zdiginen júretin zenıttik qondyrǵy ZSÝ-23-4 – zenıttik artıllerııanyń urys mashınasy jalpy kózdeý mehanızmderi men atysty basqarý aspaptary bar bir nemese birneshe avtomatty zeńbirekten turady. О́zdiginen júretin zenıttik qondyrǵy kóbinese kishi bıiktiktegi áýe nysanalaryn joıýǵa arnalǵan.
Sonymen qatar jer ústindegi nysanalardy joıý úshin de qoldanylýy múmkin. Áskerı tehnıka radıolokasııalyq júıe, esepteý quraldary jáne sezgishtigi joǵary aspaptarmen jabdyqtalǵan. Bul qurylymdar men aspaptar 20 shaqyrymǵa deıingi qashyqtyqtaǵy áýe nysanalaryn tabýǵa, zeńbirekterdiń avtomatty kózdeýin oryndap, tórt shaqyrymǵa deıingi bıiktiktegi nysanalar boıynsha aýa raıynyń kez kelgen jaǵdaılarynda, bir ornynda jáne júrip kele jatyp pármendi atysty júrgizýge múmkindik beredi.
Joǵaryda atalǵan áskerı oqý-jattyǵý barysynda jıynǵa qatysýǵa nıet bildirgen áskerı mindettemeleri bar azamattar osy qurylǵylardyń syryn uǵyp, bilimin jetildirip, shyńdalyp qaıtady.
Abaı oblysy
