«OpenAI» – 2015 jyly Sem Altman, Ilıa Sýskever, Ilon Mask jáne taǵy basqa mamandardyń jetekshiligimen qurylǵan kompanııa. Maqsaty – qoǵam ıgiligi úshin ashyq jumys isteý. Sýskever bul jerde áýelgide bas ǵylymı qyzmetker, keıin jasandy ıntellektiniń qaýipsizdigi bólimin basqardy. Al qyzmetten ketkennen keıin «Apple» kompanııasynyń AI ázirleý bóliminiń burynǵy basshysy Denıel Gross jáne «OpenAI»-diń burynǵy qyzmetkeri Denıel Levımen birge «Safe Superintelligence-tiń» negizin qalady.
Kúni búginge deıin adamzat úshin aqparat aıdynyndaǵy aınymas dos – «Chat GPT» jasandy ıntellektisi boldy. Jaqynda onyń «Chat GPT–4o» degen jańa túri qoldanysqa endi. Onyń burynǵysynan artyqshylyǵy – eki ese jyldam aqparat taýyp, kez kelgen tildi anyq túsinedi. Tipti qazaq tilinde de lezde jaýap beredi. Munda siz tek mátin ǵana emes, aýdıo formatta da habarlama jaza alasyz. Al ózindik brendi qalyptasqan «OpenAI»-diń tanymal tehnologııasynan jańa ónimniń qandaı ereksheligi bar?
«Safe Superintelligence» – kádimgi adamnyń mıymen birdeı múmkindikke ıe neırojeli. Ol aqparattardy zertteıdi, taldaıdy jáne qabiletin ártúrli jaǵdaıda qoldana alady.
Sýskever óziniń atalǵan kompanııasynyń qurylǵany týraly áleýmettik jelidegi jazbasynda: «SSI – bul bizdiń mıssııamyz, bizdiń ataýymyz jáne búkil ónimniń jol kartasy. Ol – basty nazarymyzdaǵy joba. Bizdiń komanda, ınvestorlar jáne bıznes-model barlyǵy SSI-ǵa qol jetkizýge beıimdelgen. Biz qaýipsizdik pen múmkindikti qatar qarastyramyz. О́ıtkeni tehnıkalyq máseleler revolıýsııalyq ınjenerııa men ǵylymı jetistikter arqyly sheshiledi», dep aıtqan. Shynymen, úzdik úshtik jańa ónimde qaýipsizdik erekshe nazarǵa alynǵan. Ilıa Sýskeverdiń «OpenAI» kompanııasynan ketýiniń basty sebebi de – osy. Tipti bul týraly sheteldik BAQ ókilderi jarysa jazyp jatyr. Iаǵnı neırojeli eshkimge zııan tıgizbeýge tıis. Ol adamzat aqyl-oıyna ıdeıa qosqanymen, ony basyp ozbaıdy. Sol arqyly tehnologııanyń tabıǵı ıntellektini basqarýynyń aldyn alady. Al bul jolda jańa ujym ózderine kil júırikterdi jınaýdy kózdegen. Sondyqtan qatarǵa sýperbarlaýdy júzege asyratyn ınjenerler men zertteýshilerdiń shaǵyn, elıtalyq tobyn jasaqtaıdy. Osylaısha, tańdamaly shyǵarmashylyq ujymnyń arqasynda kommersııaǵa baǵyttalmaǵan, qaýipsiz sýperıntellekt óz jumysyn bastaıdy.
Bı-Fatıma ERALHANQYZY,
L.N.Gýmılev atyndaǵy Eýrazııa ulttyq ýnıversıtetiniń stýdenti
